Вести › Набрзинка

Трамп го постави Гренел за надворешнополитички специјалец

15 декември 2024

Новоизбраниот американски претседател го избра долгогодишниот советник за надворешна политика Ричард Гренел за свој пратеник во специјални мисии, давајќи му задача да се справува со некои од најтешките предизвици во надворешната политика.
Гренел служеше како амбасадор во Германија за време на првиот мандат на Трамп, беше специјален претседателски пратеник за проблемите меѓу Србија и Косово и вд директор на националното разузнавање. Беше во игра и за државен секретар, но Трамп за таа позиција го одбра Марко Рубио.
„Рик ќе работи во некои од најжешките точки ширум светот, вклучувајќи ги Венецуела и Северна Кореја“, напиша Трамп за човекот кој го советуваше да не го проширува НАТО со Украина.

извор

Обвинителството ја дрибла јавноста за Јахоски

12 март 2025

Судот и Обвинителството си ја префрлаат топката кој е одговорен што Јахоски, за разлика од другите осомничени за тендерите за мазут за ТЕЦ Неготино за кои обвинителството побара притвор, наместо во Шутка, заврши во домашен притвор.
Обвинителството вчера соопшти дека побарало притвор за Асмир Јахоски, но судот му определи домашен притвор. Судот синоќа информира дека Јавниот обвинител се согласил за промена на предлогот за определување мерка притвор со предлог за определување на мерка куќен притвор, што било прифатено од Судијата на претходна постапка. Обвинителството, пак, денеска вели тие барале притвор, но судот не прифатил.
Премиерот Христијан Мицкоски, без да го спомене по име, денеска алудираше дека улога одиграл токму шефот на обвинителството за гонење организиран криминал и корупција Ислам Абази.
Абази беше избран за шеф на обвинителството за гонење организиран криминал и корупција во 2022 година. Сомнежите за негова блискост со раководството на ДУИ ги подгреаја фотографиите на Абази со неговиот соселанец Али Ахмети од Зајас, како и со други функционери на ДУИ.
ОЈО ГОКК соопшти зошто не поднеле жалба: Јахоски бил старател на четири деца, имал оформени цврсти врски со државата, свој бизнис и нарушено здравје.

извор