Вести › Набрзинка

Тошковски наредил внатрешна контрола за убиствата на Вања и Панче

14 февруари 2024

Новиот министер за внатрешни работи дал наредба да се истражи дали полицијата постапувала согласно или не полициските процедури и стандарди во случаите со киднапирањата и убиствата на Вања Ѓорчевска и Панче Жежовски.
„Ако сè било во ред, да го затвориме тоа сомневање, кој што не го имам само јас, туку и други луѓе внатре во министерството“, рекол Тошковски.
Медиумите во врска со овој случај пишуваа дека полицијата со неколку дена доцнење почнала да бара снимки од околните камери и не постапила соодветно по киднапирањето на Жежовски и пријавата дека го нема и неговото возило, она возило со кое неколку дена подоцна 14-годишното девојче беше однесено од центарот на Скопје до атарот на селото Бразда каде што било убиено.

извор

„Мајчински“ солзи за владиката на „Православната црква на Северна Македонија“

27 ноември 2024

Бугарскиот патријарх Даниил испрати писмено сочувство по повод смртта на митрополитот Дебарско-кичевски Тимотеј.
Сочувството и испратено до „Неговото блаженство, северно-македонскиот архиепископ Стефан“.
„В тези тежки за Вас и за цялата Православна църква на Северна Македония часове изказваме нашите искрени съболезнования за временната раздяла с упокоения наш събрат!“, ќе напише Даниил.

извор

Животот победува: Скопјанка родила на 61 година

26 ноември 2024

После 37 години во брак во кои имала тешко гинеколошко и акушерско минато, со 10 инвитра зад себе и 10 спонтани абортуси, пациентка од Скопје на свет го донесе бебето Петар.
Целата бременост ѝ била следена во државава, а породувањето било извршено со царски рез во 36. гестациска недела. Oстанала бремена со ин витро третман извршен во земјава со сопствена јајце-клетка која била криопрезервирана, односно замрзната.
„Овие родители не потклекнале на неуспесите, не потклекнале на притисоците од околината и на стереотипите и предрасудите со коишто живееме. Затоа на Петар и на неговите родители им посакувам да имаат многу прекрасни моменти и уште долго да уживаат во прекрасни семејни моменти“, рече директорката на Универзитетската клиника за гинекологија и акушерство, Ирена Алексиоска-Папастиев.
Петар е роден со тежина од два килограми и 350 грама и должина од 48 сантиметри.

извор