Вести › Набрзинка

Стево Пендаровски има доверба од 0,2%

25 јуни 2023

Македонскиот претседател можеби има доверба од само 0,2% од гласачите но затоа му дише во врат на Мендух Тачи кој има 0,3%.
Во анкетата споведена за МКД.мк, ВМРО ДПМНЕ има двојна предност над СДСМ (22% наспроти 11,5%), колку што е и разликата меѓу Мицковски и Ковачевски (12% наспроти 6%). Споредено со анкетата во февруари, првите имаат раст, вториве паѓаат.
43,6% од испитаниците сметаат дека најголем проблем во државата се економијата, инфлацијата и цените. Оние што ги најмногу ги секира бугарската блокада се 6,8%. 55% од луѓето сметаат дека државата се движи во погрешна насока, дека е на прав пат сметаат 14%.
Дали корупцијата денес е повисока од лани? 79,8% рекле да.
„Сè е катастрофа“ оценуваат 3,4%, “
Сè е во ред“ за 0,3% од луѓето. Блазе си им.

извор

Бес во Израел заради прекинот на огнот

8 април 2026

„Ова е политички и стратешки пораз! Во целата наша историја, таква катастрофа никогаш не се случила“, го коментира примирјето шефот на израелската опозиција, Јаир Лапид.
Вели дека Бенјамин Нетанјаху не исполнил ниту една цел која си ја имал зададено иако војската направила сè што барал.
Лапид потсетува дека Израел не ни бил вклучен во преговорите и дека на државата „ќе ѝ требаат години за да се опорави од политичката и стратешката штета“ што Нетанјаху ја предизвика со својата ароганција, невнимание и недостаток на стратешко планирање.
Претседателот на партијата Израел Бејтену, Авигдор Либерман, оцени дека ваков договор со Иран значи дека Израел во иднина ќе мора повторно да влезе во конфликт, под потешки услови и по повисока цена.

извор

Одбиен предлогот за ограничување на учеството во странски војни

8 април 2026

Предлогот на пратеничката група на Левица за измени и дополнувања на Законот за одбрана не доби поддршка во Собранието, откако пратениците од СДСМ гласаа против, а пратениците од ВМРО-ДПМНЕ не гласаа.
„Собранието треба да ја ограничи Владата, така што армијата ќе се користи само во мисии со меѓународен легитимитет, одобрени од Советот за безбедност на Обединетите нации“, истакна Реџеп Исмаил.
„Со ова се елиминира можноста македонскиот војник да биде испраќан во геополитички лавиринти без јасен меѓународно-правен легитимитет, како монета за поткусурување во туѓи пресметки“.
Досегашните интервенции на НАТО – од Југославија, преку Ирак до Либија – покажуваат примери на операции без соодветен или залоупотребен мандат. Во образложението беше посочено и дека постои ризик од индиректно вклучување во конфликти преку поддршка, како што е испораката на оружје за Украина, што може да има економски, енергетски и безбедносни последици.

извор