Вести › Набрзинка

Србија намалува цени на 700 производи во 2.500 продавници

31 август 2024

Од 1 септември 700 производи од 81 категорија ќе може да се најдат поевтини во рамки на кампањата „Најдобра цена“ на српската влада.
Цените се пониски од промотивните во трговските синџири, ќе се применуваат во 2.500 малопродажни објекти, акцијата ќе трае до 31 октомври а домаќинствата ќе успеат да заштедат од 8.000 до 22.000 динари месечно.
Кај нас? Властите ги замолија трговците, односно дадоа препорака во иднина да не ги зголемуваат цените на храната.

извор

Трамп: Вечерва ќе умре цела цивилизација!

7 април 2026

„Цела цивилизација ќе умре вечерва, за никогаш повеќе да не се врати. Не сакам тоа да се случи, но веројатно ќе се случи“, порача Доналд Трамп во безумна закана за уништување на Иран.
Тој цврсто стои до ултиматумот што му постави на Техеран до вечер во 20 часот според американско време да го деблокира Ормускиот Теснец. Ако не, ќе нареди „пеколни“ напади кои „ќе го вратат Иран во Камено доба“.
Трамп отворено се закани дека ќе ги уништи мостовите, енергетските постројки и централите за десалинизација, што би оставило десетици милиони Иранци без струја и вода. Тоа, според сите критериуми е воено злосторство насочено против цивили.
Трамп остави мал простор да ги откаже нападите во последен час, како и во претходниот ултиматум до Техеран пред две недели: „Сепак, сега кога имаме целосна и тотална промена на режимот, каде што преовладуваат различни, попаметни и помалку радикализирани умови, можеби може да се случи нешто револуционерно прекрасно, Кој знае?“.
И самиот дава одговор: „Ќе дознаеме вечерва, еден од најважните моменти во долгата и сложена историја на светот. 47 години изнудување, корупција и смрт конечно ќе завршат. Бог да го благослови великиот народ на Иран!“.

извор