Вести › Набрзинка

Советот за етика во медиумите почна да бара грешки во сатира

1 јуни 2022

Комисијата за жалби при Советот за етика во медиумите на Македонија (СЕММ), утврдила дека текст на сатиричниот портал Кооперација отстапувал од професионалните и етички стандарди.
Одлуката е донесена по жалба на претседателот на Сојузот на средношколци, Лука Павиќевиќ. Во жалбата, младиот Лука навел дека „текстот содржи неточно и нефер известување, нарушување на приватноста и незаштитена малолетна публика“.
Тажно е што Комисијата подлегнала на жалопојката на Павиќевиќ и донела одлука со која цензурира една очигледна и неспорна сатирична вест. Сакам отворено да им порачам на моите колеги од СЕММ дека обидот сатирата да се рубрицира како „лажни вести“ и да се проскрибира како општествено зло нема да мине лесно, пишува Героски.
Во работата на Комисијата учествуваа Мирче Адамчевски, Сефер Тахири, Мери Јордановска, Теофил Блажевски, Ердем Ахмет и Димитар Мицев.

извор

Рубио: Останувам со Трамп

6 ноември 2026

Државниот секретар Марко Рубио ги отфрли шпекулациите дека размислува да ја напушти администрацијата на Трамп, со цел да ги задржи шансите за сопствена кандидатура за претседател во 2028 година.
Според извори на Блумберг, Рубио веќе разговарал со претставници во Белата куќа и бил замолен да остане.
„Отсекогаш ми беше план да работам за Трамп до крајот на неговиот мандат. Ја сакам работата“, изјави Рубио во интервју за „Њујорк тајмс“.
Белата куќа и Стејт департментот синоќа го отфрлија извештајот на Блумберг како „лажна вест“.
Рубио упорно одбива да одговори на прашањата дали планира да се кандидира за претседател на изборите во 2028 година. Неколку пати досега јавно го поддржа потпретседателот Џ.Д. Венс: „Тој би бил најдобриот кандидат“.

извор

Гувернерот Њусом ги поништи сите смртни казни во Калифорнија

6 ноември 2026

Два месеци пред да му заврши мандатот, гувернерот на Калифорнија, Гевин Њусом ги преиначи сите 548 смртни казни во сојузната држава во доживотна робија без право на условен отпуст.
Одлуката е симболична, затоа што Њусом на почетокот на својот мандат во 2019 година воведе мораториум на извршување на смртни казни.
Калифорнија нема извршено смртна казна веќе 20 години, иако судовите продолжуваат да ја изрекуваат оваа казна за лица осудени за убиство и други тешки кривични дела.
На два референдуми, во 2012 и во 2016 година, жителите на Калифорнија со тесно мнозинство ги отфрлија предлозите за укинување на смртната казна.
Околу 2.100 затвореници во САД се соочуваат со погубување. Ако Уставниот суд на Калифорнија ја потврди одлуката на гувернерот, нивниот број ќе биде намален за една четвртина.

извор