Вести › Набрзинка

Штекли двапати го пукаат на исто место, МВР очекува ние да сме помогнеле

25 октомври 2023

По извршените операции, 37-годишниот Раде Трајковски-Штекли дише самостојно а неговиот придружник (Колумбо, 24 години) сè уште е на апарати, но во релативно стабилна состојба, гласат последните здравствени информации за луѓето на кои вчера беше пукано во молот Ист Гејт.
Пред два месеца Штекли преживеа обид за убиство во истиот мол.
МВР објави снимка од напаѓачот, фатена од камерите на молот, но можно е тој да носи реалистична силиконска маска за лице, па неговата идентификација врз основа на снимките нема да оди лесно.
Штекли се поврзуваше со истрагата за убиството на младиот фудбалер Мартин Јанушев но не беа најдени докази и тој не беше обвинет. Беше уапсен во Грција во 2011 година како осомничен во Италија за местење на фудбалски натпревари.

28 ноември 2024

На пратеничко прашање околу прислушувањето, премиерот вети дека наскоро ќе биде откриено како се прислушувало и дека пратениците од СДСМ ќе бидат згрозени.
„Јас сум убеден дека дел од раководството на СДСМ не ни знаеле дека тоа се случувало, дека најголемиот дел од нив го правеле за злоупотреба и лична агенда. Не дека некои од највисокото раководство немале информации, имале. И тоа што се случувало ќе ве згрози и вас“.
„Затоа ја гледам таа дебата од убдашки болшевистички структури кои се присутни во нашите кодошки безбедносни структури. И затоа се плашат од спојување на агенциите. Што им фалеше спојувањето на овие агенции во Хрватска, во САД?“ праша Мицкоски.

27 ноември 2024

Бугарскиот патријарх Даниил испрати писмено сочувство по повод смртта на митрополитот Дебарско-кичевски Тимотеј.
Сочувството и испратено до „Неговото блаженство, северно-македонскиот архиепископ Стефан“.
„В тези тежки за Вас и за цялата Православна църква на Северна Македония часове изказваме нашите искрени съболезнования за временната раздяла с упокоения наш събрат!“, ќе напише Даниил.