Речиси една третина од луѓето во Европската Унија плаќаат редовен месечен надомест за да гледаат филмови, серии, музика или спортски преноси преку интернет. Нови податоци од Евростат покажуваат дека 32,7% од корисниците на интернет во ЕУ имале платена претплата за стриминг во 2025 година.
На листата убедливо водат Ирска со 63,9% редовни претплатници и Данска со 61,1%, а веднаш зад нив е Холандија со 59,2%.
На другиот крај се Бугарија, со 9,3% претплатници на стриминг услуги, Словенија со 13,7%, Летонија со 16,7% и Литванија 17,4%.
На аудио-платформите за стриминг на музика и подкасти, како YouTube Premium и Spotify, се претплатени 23% од граѓаните во ЕУ.
Традиционалните содржини за читање, како што се веб-страниците со вести, дигиталните весници и списанијата, значително заостануваат со 7,2% претплатници, а уште послаб е интересот (6,1%) за интерактивните претплати за „клауд“ гејминг.
Претседателот на Украина им порача на авиокомпаниите да го избегнуваат рускиот воздушен простор бидејќи поради украинските напади со дронови, тоа станува опасно.
„Сакаме да ги предупредиме сите авиокомпании што го користат рускиот воздушен простор, клучните руски аеродроми и осигурителните компании дека руското небо станува целосно опасно“, рече Зеленски.
Рускиот претседател, Владимир Путин, коментираше дека ваквите пораки се „декларација на државен тероризам“.
Македонскиот сценарист и режисер со „привремена“ американска адреса, оваа есен накратко се враќа дома во (никогаш Северна!) Македонија. На претстојниот интернационален фестивал на филмската камера „Браќа Манаки“ кој ќе се одржи од 19-ти до 25-ти септември во Битола, Дарко Митревски ќе гостува како предавач.
Ќе сподели дел од неговите досегашни професионални искуства и неколку сценаристички „рецепти“ за помладите колеги. Мастеркласот „Како да НЕ снимите здодевен филм?“ е замислен како презентација на низа раскажувачки техники со кои писателите го држат вниманието на публиката уште од времињата на античката драма, па сè до - до скоро - возбудливиот Холивуд.
Митревски е познат како автор на филмовите Балканкан и Трето полувреме а беше и ко-автор на легендарните тв серии „Досие Скопје“ и „Уа Шнајдери“ (која ја имаме на сајт).
