Се бара пауза во истражувањето на вештачката интелигенција
30 март 2023
- Илон Маск и стотици светски експерти го потпишаа апелот со кој се бара шестмесечна пауза во истражувањето на вештачката интелигенција, укажувајќи на „големи ризици за човештвото“.
- Се бара мораториум во истражувањата додека не се воспостави систем за безбедност, вклучувајќи и специјални регулаторни тела за надзор на системите на вештачка интелигенција и техники кои ќе помогнат да се разликува реалното од вештачкото, како и институции способни да управуваат со „драматичните економски и политички нарушувања (особено за демократијата) кои ќе ги предизвика вештачката интелигенција“.
- Извршниот директор на Опен АИ, која го создаде ЧетГПТ, кажа дека е „малку застрашен“ од својата творба доколку би била употребена за дезинформации од големи размери или сајбер напади.
