- САД ќе мораат да ја продолжат војната во Иран без најголемиот носач на авиони „Џералд Форд“, поради долгото време потребно за поправка на штетите од пожарот што избувна на 12 март.
- „Џерлад Форд“ беше повлечен од борбената позиција пред четири дена и сега е на пат кон бродоградилиште на Крит во Средоземно Море. Сè уште се врши проценка на штетите и се очекува поправката да трае од 12 до 14 месеци.
- Пожарот на 12 март избувна во пералницата и се прошири на други сектори. На повеќе од 100 морнари им беше укажана помош поради вдишување чад, а неколку стотини не можеа да ги користат спалните.
- Од „Џералд Форд“ беа извршени повеќето од над 7.000 американски воздушни мисии врз цели во Иран. Во регионот е распореден и носачот „Абрахам Линколн“, но „Џералд Форд“ е од понова класа, со помодерна технологија и со капацитет за повеќе летови.
- Ова беше првата борбена мисија на бродот од 100.000 тони и нуклеарен погон, кој беше пуштен беше во употреба во 2017 година. Носи околу 5.000 морнари и авијатичари и повеќе од 75 авиони.
- Владата на Кир Стармер ја прогласи иранската Исламска револуционерна гарда (ИРГЦ) за закана за националната безбедност на Британија.
- Новиот статус им овозможува на британските власти кривично да гонат лица обвинети за изразување позитивен став, поддржување или промовирање на Револуционерната гарда, за што е предвидена максимална казна до 14 години затвор. За случаи на шпионажа или саботажа, предвидена е и доживотна робија.
- За национална закана се прогласени и иранското исламско движење ИМЦР, кое презеде одговорност за антисемитски напади во Британија, и доброволниот корпус на руската воена служба за разузнавање ГРУ, кој се смета одговорен за нападот со отровот „новичок“ во Солсбери во 2018 година.
- Полицијата и обвинителствата ќе имаат пошироки овластувања при гонењето на припадници од овие групи.
- Европската Унија во јануари ја прогласи иранската Револуционерна гарда за терористичка организација. Како одговор, Техеран ги прогласи за терористички војските на сите членки на ЕУ.
- Во домовите во Јапонија денес има 15,9 милиони домашни миленици, што е за 2,2 милиони повеќе отколку деца на возраст под 15 години.
- Падот на стапката на наталитет принудил компании што произведувале пелени, колички и облека за бебиња да се префрлаат на слични производи за кучиња и мачки. Според истражувања на Еуромонитор, пазарот за нега на домашни миленици во Јапонија во 2025 година вредел 880 милијарди јени (5,4 милијарди долари).
- „Поради промените во животниот стил, како доцното стапување во брак и семејствата што не сакаат деца, сведоци сме на хуманизација на домашни миленици. Ги третираат како членови на семејството или деца, а не како животни“, вели Ишу Уехара од компанијата Уничарм.
- Национално истражување за трендовите на плодноста покажа дека помеѓу 2002 и 2021 година, процентот на домаќинства со само едно дете во Јапонија се зголемил од 10% на речиси 20%.
- „Порано, кучето или мачката беа само дополнителен член на семејството. Со помалку бракови и бебиња, животните преземаат улога на дете или партнер. Многумина Јапонци по разводот вдомуваат миленик“, вели Барбара Холтус, директорка на Германскиот институт за јапонски студии.
