Вести › Набрзинка

Русјаков: Кога јодот ќе стане нов лубрикант

16 ноември 2024

Факинг Руси! Секоја година иста приказна. Запнале со таа резолуција за забрана за глорификација на нацизмот, како да нема други теми за резолуции.
Ако Русите бараат забрана за глорификација на нацизмот, ние или ќе се правиме наудрени дека такво нешто постои или ќе го глорифицираме за нивни инает.
Што ако се најде некој духовит мангуп во Кремљ, па да поднесе во ОН резолуција против глорификација на нацистички изблици во Преспанскиот договор, ќе гласа ли Нордистан против резолуцијата?

* види: Македонија нема ништо против глорифицирање на нацизмот

извор

„Преспанскиот правопис“ не е ист за Македонија и за ЕУ

16 ноември 2024

Преспанскиот договор меѓу Македонија и Грција, склучен наводно за побрза македонска интеграција во НАТО и ЕУ, иако не ги исполни целосно таквите декларирани намери, се претвори во практична алатка за деноминирање на македонскиот национален идентитет.
Кога станува збор за примената на одредбите од Преспанскиот договор, на Македонија и на македонските политичари од Грција, меѓународните, а особено од ЕУ-факторите се бара хиперкоректна употреба на принудно додадената географска одредница „северна“. Но кога европските, т.е. меѓународните фактори ќе се најдат во ситуација да се придржуваат до одредбите од истиот договор што ѝ го наметнаа на Македонија, тогаш изговорот го бараат во граматиките на сопствените јазици.
Најчесто тоа им е првото и најлесно објаснување кога ја употребуваат придавката „северномакедонски“ говорејќи за македонскиот идентитет, народ, култура, историја, традиција, за државните функционери, институции, локалитети, производи…
Од денешна перспектива, а и во времето кога се готвеше Преспанскиот договор, звучеа залудно предупредувањата на лингвистите дека со политички договор не може да се менуваат граматичките стандарди ниту на македонскиот, ниту на другите јазици.

извор

Залез на медиумските меинстрим империи

16 ноември 2024

Најџел Фараж и GB News повторно ги надминаа SKY News и BBC по гледаност во ударните термини. Емисијата на Фараж имала 130% од гледаноста на Sky и 108% од конкурентната содржина на BBC.
Гостувала новинарката на Телеграф, Алисон Пирсон на која полиција ѝ затропала на врата заради нејзин твит од пред година дена.
Овој полициски потег предизвика голема вознемиреност на островот, реагираа многумина, меѓу кои и поранешниот премиер Борис Џонсон: „Ова е ужасно. Како може Британија на Стармер да им држи лекции на други земји за слобода на говорот кога на невин новинар му тропаат на врата - за твит? Нашата полиција има полни раце со кражби и насилен криминал а се однесуваат како воук Секуритате“.
GB News беше лансиран во 2021 година како прв медиумски стартап во земјата после лансирањето на Sky News во 1989 година.

извор