- Руските војници ги пробиле украинските линии во рускиот регион Курск, само еден ден откако Вашингтон сигнализираше дека Киев може тоа подрачје да го држи под контрола со месеци.
- Извори од двете страни на војната го потврдија рускиот продор.
- Руското напредување во Курск претставува голем удар за Киев кој својата инвазија на Русија - прва инвазија на таа земја после Втората светска војна - ја претстави како стратешки потег кој за Зеленски беше клучна точка на неговиот „план за победа“ кој минатата недела им го презентираше на западните лидери.
- Украина се надеваше дека инвазијата на Русија ќе ги импресионира нејзините сојузници и ќе ги наведе да ја зголемат испораката на оружје и да дозволат користење западни проектили за напади длабоко во Русија. Бајден, меѓутоа, минатата недела го одби таквото барање.
- Обелоденувајќи дека постои ризик руските сили да ги опколат украинските единици, украински воен канал напиша „на раб сме на нов проблем заради повторување на истите грешки.“
- САД се спремни да ги бранат иранските демонстранти ако властите во Техеран употребат оружје за да ги задушат протестите, предупреди претседателот Доналд Трамп. „Опремени сме, натоварени и подготвени да тргнеме“, порача Трамп. Тој не објасни како би реагирале САД, но американските сили лани во јуни се придружија на израелските ракетни напади врз иранските нуклеарни постројки.
- Масовните протести поттикнати од економската криза и инфлацијата во Иран за четири дена се проширија низ целата земја. Според извештаи на локалната новинска агенција Фарс, полицијата и специјалните сили употребиле сила и огнено оружје за да ги смират демонстрациите и убиле најмалку шест лица. Загинал и еден припадник на Револуционерната гарда.
- Иранското раководство се соочува со најголем притисок по 2022 година, кога земјата беше парализирана од протестите поврзани со Махса Амини, младата жена што почина во притвор откако беше уапсена поради тоа што не носела шамија. Полицијата тогаш брзо и сурово тргна против демонстрантите, главно студенти што бараа либерализација.
- Овој пат протестите избувнаа од пазарџиите, кои се важен елемент од економијата, па претседателот Масуд Пезешкијан во помирувачки тон побара преговори со лидерите на демонстрациите. Инфлацијата надмина 40%, а храната поскапе за 72% за една година. Ријалот во декември изгуби 20% од вредноста и на црниот пазар падна на историски минимум од 1,3 милиони за 1 долар.
- Чеченскиот претседател Рамзан Кадиров забрзано го спрема својот 18-годишен син Адам за наследник. Му додели нов медал поради „значаен придонес за обезбедувањето на безбедноста, стабилноста и просперитетот на татковината“.
- Премиер Магомед Даудов на свечената церемонија го нарече Адам „енергичен и ефикасен лидер способен да решава сложени проблеми со принципиелност и лојалност кон каузата.“
- Градите на младиот Кадиров ги красат едно чудо медали, доделени од неговиот татко, но и од Москва, а ја има и титулата „Херој на Чеченската Република“. Во Руската книга на рекорди е запишан како најмлад шеф на регионална безбедносна служба.
- Стариот Кадиров пред една недела итно бил префрлен во болница во Москва поради сериозно влошена здравствена состојба. Локални медиуми тврдат дека лекарите едвај успеале да го реанимираат. По неколку дена тој се појави во јавноста со новогодишна порака до Чеченците.
