- Преку 76.000 луѓе се евакирани од руската област Курск во која од неколку страни ненадејно упадна украинската војска.
- По упадот длабок 20 километри во руска територија, најголем од почетокот на војната во 2022 година, Русија во регионот довлече дополнителна војска, тенкови, ракетни фрлачи и авијација.
- Во рамките на контра-нападот, Русија употребила и термобарична (аеорсолна, вакуум) бомба, што се смета за најмоќното оружје после нуклеарното. Убива со притисок по кој следува вакуум кој ги кине белите дробови.
- Доналд Трамп пред јапонската премиерка го спореди американскиот ненадеен напад врз Иран со јапонскиот напад врз базата Перл Харбор во 1941 година, по кој САД влегоа во Втората светска војна.
- „Кој подобро од Јапонија знае за изненадување? Зошто не ми кажавте за Перл Харбор?“, одговори Трамп на прашањето зошто Токио не бил информиран за плановите на САД за напад врз Иран.
- Премиерката Санае Такаичи не ја коментираше на бизарната изјава на Трамп и се воздржа да го потсети како заврши војната – со двете атомски бомби фрлени врз Хирошима и Нагасаки.
- Во ненадејниот јапонски напад врз американската поморска база на Хаваи во 1941 година загинаа 2.400 Американци. Атомските бомби што САД во 1945 година ги фрлија врз Хирошима и Нагасаки убија повеќе од 200.000 луѓе.
- Израелскиот премиер Бенјамин Нетанјаху предупреди дека е неопходна копнена инвазија врз Иран за да се собори режимот во Техеран.
- Нетанјаху истакна дека кампањата на Израел и САД со проектили, авиони и дронови ја деградирале Исламската Република до нејзината „најслаба точка“ во 47-годишно владеење и дека повеќе не може да збогатува ураниум за атомска бомба, но додаде: „Може да направите многу од воздух, но потребна е и копнена. Има многу можности за оваа компонента, но нема да ви ги кажам“.
- Доналд Трамп во вчера ја исклучи можноста за распоредување копнени трупи во Иран: „Не испраќам трупи никаде. И да испраќам, сигурно не би ви кажал. Но, не испраќам трупи.“
- Нетанјаху додаде дека Израел не ги вовлекол САД во војната: „Дали навистина мислите дека некој може да му каже на претседателот Доналд Трамп што да прави?“.
