Вести › Набрзинка

Решението да ти се викало Илир Мехмеди

9 јануари 2024

Милан Кораќ и Илир Мехмеди се предлог на Влада за директори во М-НАВ. Отповикани се Фахрудин Хамиди и Љубе Стаменковски.
Штрајкот на контролорите е ставен во мирување.
Илир Мехмеди доаѓа како директор во М-НАВ од Агенцијата за цивилно воздухопловство, институција која оцени дека вагабондскиот упад во М-НАВ не ја загрозило безбедноста на авиосообраќајот.
Никој не им кажал на министрите дека Илир Мехмеди не ги исполнува условите за директор на М-НАВ, пишуваат 360 степени.
Кога бил прв човек на Управата за цивилна и воздушна пловидба, на државен трошок ја шетал сопругата во Мадрид, а приватно патувал и во Сингапур, пишува Република.
Над 8.000 евра спискал за непотребни патувања а 400.000 евра потрошил надвор од планот за јавни набавки, прецизира Макфакс.
„Батка, ДУИ владее, се друго е ситна риба и споредни играчи кои мислат дека нешто се важно во слагалката наречена владеење“, пишува Жана Трајковска.

извор

Десет жртви во масовно пукање во училиште во Канада

11 февруари 2026

Вооружен напаѓач смртно застрелал девет луѓе и ранил 25 во средно училиште и приватен дом во местото Тамблер Риџ во провинцијата Британска Колумбија, а потоа извршил самоубиство.
Во училиштето за деца на возраст од 12 до 18 години биле пронајдени телата на шест лица, а едно загинало на пат кон болница. Во куќа во близина биле откриени телата на уште две жртви – мајка и син. Полицијата не објави дали меѓу загинатите и ранетите има деца.
Не е објавен ни идентитетот на лицето осомничено за нападот, кого полицијата го опиша како „жена во фустан со кафена коса“. Ниту се потврдени ниту се отфрлени неофицијалните извештаи дека тоа всушност било маж.

Тамблер Риџ е изолирано рударско гратче со 2.400 жители оддалечено 1.150 километри северно од Ванкувер.
Ова е едно од најкрвавите масовни пукања во историјата на Канада. Во 2020 година маж уби 22 луѓе во 13-часовно дивеење во провинцијата Нова Шкотска, пред да биде убиен 90 километри подалеку од неговата прва жртва. Во декември 1989 година вооружен маж уби 14 ученички во училиште во Монтреал, а потоа изврши самоубиство.

извор

16 години не е ажурирана листата на забранети супстанци во козметиката

10 февруари 2026

Шеснаесет години не е ажурирана листата за забранети супстанци во козметичките производи кои се пуштени во промет на територија на Македонија, а ниту една лабораторија нема опрема за испитување на забранети супстанци (фталати и бор) во детските играчки кои се увезуваат и пуштаат во промет на територијата на државата, се вели меѓудругото во извештајот на Државниот завод за ревизија (ДЗР).
На листата од 2010 година, како забранети, делумно забранети или времено дозволени се наведени околу 1.600 супстанции и од тогаш не е ажурирана ни еднаш, за разлика од ЕУ чија листа на забранети супстанци во козметичките производи во истиот период повеќекратно е ажурирана, а до денот на ревизијата брои 1.751 забранети супстанции.
Државниот ревизор потенцира дека е потребно листата да се ажурира и усогласи со онаа на ЕУ но и да се востанови законска обврска за нејзино навремено ажурирање и усогласување.

извор