- Нов спикер во Претставничкиот дом на американскиот Конгрес е Кевин Мекарти.
- Тој беше изгласан дури на 15-тото гласање. Немало подолг изборен процес за таа функција уште од 1859 година.
- После 14-тата рунда во која му недостасуваше само еден глас, Мекарти му отиде на републиканскиот тврдолинијал Мат Гаец да се расправа.
- Од неколку од банките веќе имаме потврда и очекувам најголем дел од нив да застанат зад проектот и конечно 250-те милиони евра од унгарскиот заем да бидат поделени на македонското стопанство, порача денеска премиерот Христијан Мицкоски.
- Договорена е каматна стапка од 1,95 проценти, до три години грејс период и до 15 години рок на отплата во зависност од потребите на компаниите.
- За да добијат кредит компаниите ќе треба да имаат минимум 20 отсто сопствено учество, а максималниот износ кој можат да го добијат е ограничен на 10 милиони евра. „Тоа значи дека ќе имаме инвестициски бран од 300 милиони евра,“ најавува Мицкоски.
- Кина објави дека ќе проширува безвизниот влез за уште девет земји, меѓу кои и Македонија, во обид да ги поттикне туризмот и деловните патувања за да помогне во заживување на економијата.
- Од декември годинава, без виза во Кина ќе може да се престојува 30 дена. Само 38 пасоши од светот Кина ги пушта без виза.
- Интересно е што во листата за проширување на безвизниот режим е и Јапонија.
