- Румен Радев ги потсети лидерите на земјите членки на ЕУ дека со внесување на Бугарите во македонскиот устав, не се исцрпуваат условите кои треба да ги исполни Македонија.
- Како што сме се откажале од античката историја, да сме се откажеле од бугарската историја.
- Радев бара Бугарите во македонскиот устав да бидат внесени како државотворна нација.
- САД прво сакаат да ја завршат работата со Иран, а потоа следува Куба, најави деновиве американскиот претседател.
- Трамп тврди дека Куба ќе падне многу скоро и дека падот на кубанскиот режим ќе биде „шлаг на тортата“ по другите интервенции.
- Го пофали Марко Рубио (син на кубански мигранти) дека завршил многу добра работа околу Куба и дека планира да го прати него на преговори.
- Америка има воведено трговско ембарго уште 1962 година а во јануари годинава брутално го заостри: се закани со тарифи за секоја земја што директно или индиректно испорачува нафта на Куба, особено болно по падот на Мадуро во Венецуела, кога Куба остана без главниот снабдувач на нафта (околу 35.000 барели дневно).
- Резултат се масовни исклучувања на струја низ целата земја, недостиг на гориво, храна, лекови, колапс на туризмот и економијата.
- Сето ова ја носи Куба на работ на хуманитарна криза а Трамп е убеден дека политиката „no oil, no money, no anything“ ќе го приближи до шансата за „пријателско преземање“ на островот.
- Атина ќе распореди систем за ракетна одбрана Патриот, борбени авиони ф-16 и воен персонал близу до Бугарија, за да ја зајакне нејзината заштита од евентуален напад од Иран.
- „Една батерија Патриот ќе биде преместена на соодветна област во северна Грција за да обезбеди антибалистичка покриеност за голем дел од бугарската територија. Два авиони ф-16 ќе бидат издвоени во единствена мисија за дополнителна заштита на Бугарија“, соопшти Министерството за одбрана на Грција.
- Бугарија објави дека не учествува во војната на САД и Израел против Иран. Сепак, присуството на американски борбени авиони на нејзина територија, како дел од вежби на НАТО, предизвика загриженост кај јавноста поради иранските контранапади врз воените сојузници на САД.
- Атина веќе распореди системи Патриот и авиони ф-16 на Кипар.
