- Пратките со јаглен ќе пристигнат во Кина месецов, а пратките со нафта ќе пристигнат во мај.
- Ова ќе бидат првите пратки на енергенси платени во јуани откако САД и Европа ја казнија Русија и отсекоа неколку нејзини банки од меѓународниот финансиски систем.
- Плаќањето во јуани е исклучително важно за напорите на Кина да ја наметне својата валута на светско ниво (веќе е во преговори во јуани да ја плаќа и нафтата од Арапите), а за Русија е важно како можност за олабавување од стегите на доларот и еврото.
- Во 2019 доларот се користел во 88% од меѓународните трансакции, споредено со 4,3% на јуанот. Ама па Кинезите не се брзаат нешто посебно.
- Киев и Москва меѓусебно се обвинуваат за прекршување на еднодневното Велигденско примирје, кое го објави рускиот претседател Путин, а го поддржа Зеленски.
- Путин вчера објави дека руските сили ќе ги прекинат сите воени активности на фронтот до вечер на полноќ.
- Зеленски изјави дека Русите го прекршиле примирјето со 26 напади до денеска на пладне.
- Руското Министерство за одбрана возврати дека украинските сили отвориле оган врз руски позиции 444 пати и извршиле повеќе од 900 акции со дронови.
- Американскиот државен секретар Марко Рубио во петокот се закани дека САД ќе се повлечат од посредувањето за крај на војната ако за неколку дена не видат јасни мировни напори од двете земји.
- Астронаутот Дон Петит на својот 70-ти роденден безбедно се врати на Земјата, по 220-дневна мисија на Меѓународната вселенска станица.
- Со руското летало „сојуз м-26“ во Казахстан се вратија и космонаутите Алексеј Овчинин и Иван Вагнер.
- Петит е еден од највозрасните астронаути што престојувал во вселената. Најстариот сè уште е Џон Глен, кој беше во мисија на НАСА на возраст од 77 години.
- Петит во својата мисија 3.520 пати ја обиколил Земјата. Тој на орбиталната станица спроведувал истражувања за тридимензионално печатење, напредни санитарни технологии, развој на растенија со различен пристап до вода и за однесувањето на оган во микрогравитација.
