Вести › Набрзинка

Премиерски автогол за вработувањата во М-НАВ

15 јануари 2024

Во очигледна вендета против синдикатот на контролорите и нивниот бунт што се примаат луѓе по партиска линија дури и кога одбиваат тестирање, премиерот Ковачевски најави инспекција во М-НАВ со оценка дека тоа станало семејна фирма во се вработувале роднини до трето колено.
Ковачевски знае за семејните стебла на синдикалците, но не и за луѓето во неговиот кабинет: најмалку тројца министри имаат вработени роднини во МНАВ, а има и вработувања на повеќе членови од семејство на еден поранешен пратеник, открива КОД на Лупевска.
„Мене ми пречи селективноста на премиерот, со едното око гледа што прави претседателот на синдикатот и му наоѓа семејни врски, дека татко му уште од времето бил во југословенска авијација и слично, а се прави дека не гледа дека снаата на Артан Груби, дека сестрата на Бујар Османи и дека два зетовци и еден син на Ејуп Алими и на Беким Незири се вработени во М-НАВ“, рекол Антонијо Милошоски на радио „Лидер“.

извор

16 години не е ажурирана листата на забранети супстанци во козметиката

10 февруари 2026

Шеснаесет години не е ажурирана листата за забранети супстанци во козметичките производи кои се пуштени во промет на територија на Македонија, а ниту една лабораторија нема опрема за испитување на забранети супстанци (фталати и бор) во детските играчки кои се увезуваат и пуштаат во промет на територијата на државата, се вели меѓудругото во извештајот на Државниот завод за ревизија (ДЗР).
На листата од 2010 година, како забранети, делумно забранети или времено дозволени се наведени околу 1.600 супстанции и од тогаш не е ажурирана ни еднаш, за разлика од ЕУ чија листа на забранети супстанци во козметичките производи во истиот период повеќекратно е ажурирана, а до денот на ревизијата брои 1.751 забранети супстанции.
Државниот ревизор потенцира дека е потребно листата да се ажурира и усогласи со онаа на ЕУ но и да се востанови законска обврска за нејзино навремено ажурирање и усогласување.

извор

Макрон: Ако Европа не прави ништо, САД и Кина ќе ја збришат за пет години

10 февруари 2026

Францускиот претседател Емануел Макрон побара Европа драматично да ја засили својата интеграција за да се врати на позицијата на глобална сила и да не се покорува на притисоците од САД или од Кина.
„Мораме да се прашаме: Дали сакаме да бидеме гледачи - или учесници? Ако сакаме да бидеме гледачи, тогаш тоа води кон среќна покорност. Ние не му пречиме на никого, се обидуваме да бидеме добри кон Американците, а со Кинезите продолжуваме како и досега. Ви велам: Ако не направиме ништо, Европа ќе биде збришана за пет години“, изјави Макрон во групно интервју за неколку европски медиуми.
Макрон ја повика Европа повторно да ги отвори своите дипломатски канали со Москва, за да не им го остави на „други“ процесот за крај на војната во Украина и за уредување на односите на континентот.
„Имаме европски интереси што треба да ги браниме и нема да им ги препуштиме никому, дури ни на САД“, изјави Макрон.

извор