- На 21 март медиумите јавија дека во затворот Идризово е откриен ископан тунел во должина од 60 (ш е е с е т) метри. Досега нема пријавени.
- Сè уште е во истрага и случајот со филмското бегство на затвореникот Беким Мемети од кого веќе 6 месеци нема ниту трага ниту глас.
- Не се откри ни кој пали коли на вработени во затворот. Вчера во населба Илинден било запалено уште едно возило, на 50 годишен затворски стражар
- Редок феномен утре рано наутро ќе биде видлив на небото. Месечината, Венера и Сатурн ќе се постројат во форма што потсетува на насмеано лице.
- Српот од младата Месечина ќе ја формира устата, Венера ќе биде десното око, а Сатурн левото.
- Феноменот ќе биде видлив од северната хемисфера на небото над источниот хоризонт пред изгрејсонце, во периодот од 5 до 5.30 часот.
- Американскиот претседател Доналд Трамп го осуди рускиот напад врз Киев, во кој загинаа девет лица и десетици беа ранети.
- „Не сум среќен со руските напади врз Киев. Не се потребни и во лошо време. Владимир, СТОП! Гинат по 5000 војници секоја недела. Ајде да склучиме договор за мир“, му порача Трамп на рускиот претседател Путин.
- Трамп претходно го критикуваше и украинскиот претседател Володимир Зеленски, поради изјавата дека Киев не може да го прифати полуостровот Крим за дел од Русија, како што наводно е предвидено во мировниот предлог на САД.
- „Оваа изјава е штетна за мировните преговори со Русија“, порача Трамп.
- Уште при кавгата во Овалната соба во март Трамп му кажа на Зеленски дека „Крим е изгубен веќе со години“ и дека „воопшто не е точка за дискусии“.
