- Речиси 3 месеци траеше одлучноста на поранешниот украински претседател (кореографирана и емитувана на сите глобални медиуми) дека останува во Украина до последен ден од војната.
- На 28 мај Порошенко одлучи на еден од граничните премини да проба дали му работи пасошот и беше спречен.
- Порошенко требало да мине во Литванија за средба со тамошниот претседател и група европарламентарци, а од таму требало да продолжи во Холандија.
- Агендата на поранешниот украински претседател беше сосечена уште на украинската граница.
- Европратениците ѝ изгласаа доверба на претседателката на Европската комисија, но дебатата пред гласањето и резултатите покажа дека „Пандорината кутија е отворена“ и дека позицијата на Урсула фон дер Лејен е понестабилна од кога било откако дојде на власт во 2019 година.
- Иницијативата за изгласување недоверба ја отфрлија 360 пратеници, а ја поддржаа 175. Со ваков однос на гласовите таа лани немаше да го добие вториот мандат на челото на Европската комисија. За да биде успешна, иницијативата требаше да добие поддршка од двотретинско мнозинство.
- Предлогот го поднесе романскиот пратеник Георге Пипереа во врска со аферата „Фајзергејт“, односно за „недостигот од транспарентност и лошото управување во контекст на пандемијата на коронавирусот“.
- Фон дер Лајен беше обвинета дека директно преговарала со извршниот директор на „Фајзер“, Алберт Бурла, за купување на 1,8 милион дози вакцини во вредност од 26 милијарди евра. Таа одби да ги обелодени СМС пораките со директорот на „Фајзер“ што предизвика лавина реакции. Дури и Судот на правдата на ЕУ донесе одлука кореспонденцијата да биде обелоденета.
- Убедена дека ќе добие поддршка, шефицата на ЕК ги обвини поддржувачите на иницијативата дека се „антиваксери“, „обожаватели на Путин“ и дека „се служат со стари трикови на екстремисти“. Поднесувачот Пипереа го обвини за „дестабилизација на европските институции преку лажни обвинувања и теории на заговор“, но не понуди аргументи во своја одбрана.
