- Вашата вонредна контрола на амбасадите и конзулатите и документирањето на овој процес со цел да се потенцира вашата „загриженост“ за ефикасноста на работата на ДКП-та е целосно неприфатлива и противзаконска. Вашата министерска позиција не ви дава право на увид во сè уште неиздадени лични документи и е во целосна спротивност на Законот за заштита на личните податоци“, се наведува во отвореното писмо на Македонскиот дипломатски синдикат до министерот Бујар Османи.
- Дополнително, сакаме да ви укажеме дека давање инструкции за работа во смени како и работа во викенд е во целосна спротивност со Законот за надворешни работи како и Колективниот договор за јавната администрација.
- На крајот сите се залагаме за македонските државјани да добијат документи час поскоро, но од сите информации во јавноста јасно е дека во државата нема обрасци за издавање на истите. Со оглед на ова, колку и да се форсираат колегите да работат во смени, викенди па дури и 24 часа истото е целосно залудно и ќе биде само во насока на разгорување на проблемот со доведување на странките во заблуда, стои во писмото
- Генералниот секретар на ОН, Антонио Гутереш алармираше дека Газа се соочува со најсуровата фаза од војната поради драстичниот недостаток на основни хуманитарни потрепштини.
- На почетокот на март, Израел воведе 11-неделна блокада на помошта.
- Неодамна дозволи влез на ограничен број камиони со хуманитарна помош преку преминот Керем Шалом но и тие камиони попат биваат ограбени од бандити или очајни цивили.
- Гутереш предупреди дека одобрените залихи се еднакви на „лажичка помош во време кога е потребна поплава“ и дека само околу една третина од камионите со помош стигнале до магацините во Газа поради безбедносни ризици.
- Американскиот претстедател ја разгорува трговската војна против светот заканувајќи ѝ се на Европската Унија со царини од 50 проценти.
- Истовремено, ја искористи приликата да се закани со високи давачки од 25% за Ајфони на Епл кои се произведуваат надвор од САД.
- Трамп тврди дека ЕУ е многу тешка за договaraање а актуелното „искористување“ на Америка е неприфатливо.
- Со овие потези паднаа во вода надежите дека трговската војна на Трамп се лади, откако со Кинезите договорија тајм-аут од 90 дена.
- Професорот Џефри Сакс тврди дека она што Трамп не го разбира се учи на вториот ден од неговата школа за меѓународна монетарна политика. Види: Економски лекции за Трамп
