Вести › Набрзинка

Пентагон бара од Форд и Џенерал Моторс да произведуваат оружје

16 април 2026

Првпат по втората светска војна, владата на САД побара од автомобилските компании да произведуваат оружје, бидејќи војната против Иран и воената поддршка за Украина ги исцрпеа американските залихи.
Дискусиите почнале уште пред војната во Иран, велат изворите на Волстрит џурнал. Пентагон ја претставил иницијативата како „прашање од национална безбедност“. Високи функционери веќе разговарале со директорите на Џенерал Моторс, Форд, Ошкош, ЏЕ Ероспејс и на други компании за пренамена на нивните погони и работници за производство на муниција, борбени транспортери и воена опрема.

Неодамнешното барање на Пентагон за буџет од 1.500 милијарди долари опфаќа зголемување на инвестициите за производство на муниција и беспилотни летала.
Администрацијата на Трамп побара помош од Џенерал Моторс и од Форд за време на пандемијата на ковид, кога тие произведоа десетици илјади медицински вентилатори.
Фабриките во Детроит целосно го запреа производството на коли за време на Втората светска војна, кога своите погони ги пренаменија за бомбардери и за мотори за авиони и камиони.

извор

Еверест веќе не е највисоката планина?

1 ноември 2026

Планината Еверест на Хималаите останува планина со највисока надморска височина (8,849 метри) но тоа да не ти била највисоката планина на планетата.
Две други „скриени“ планини на работ на Африка и Тихиот океан се далеку повисоки, дури 100 пати повисоки од Еверест, околу илјада километри високи.
Што е финтата и како до сега не сме ги виделе? Затоа што почнуваат од минус надморска височина, длабоко под површината на Земјата - на околу 1.900 километри, помеѓу јадрото и земјиниот плашт.
Наша стручна алпинистичка проценка: Не се важи!

извор

Со што ги прскаат јаболката во Преспа?

31 октомври 2026

Свештеникот Стеван Здравевски од Преспанско-пелагониската епархија на МПЦ-ОА повторно ја нападна Владата поради процесите на дигитализација, овој пат реагирајќи на идејата за воведување дигитални возачки дозволи и лични документи.
Здравевски тврди дека со дигиталните документи, кои според неговото толкување го сведуваат човекот на идентификациски број, се брише личниот идентитет и човекот престанува да биде личност.
Свештеникот ја споредува дигитализацијата со системот на идентификација на затворениците и логорашите, кои, како што наведува, не биле препознаени по име и презиме, туку по број.
Оди и чекор понатаму, поврзувајќи ја дигитализацијата со сатаната и Антихристот. АПЕЛИРАМ ДО СИТЕ КРСТЕНИ ДА НЕ СЕ ЛАЖАТ ДА СЕ ДИГИТАЛИЗИРААТ БИДЕЈЌИ СО ТОА ВЛЕГУВААТ ВО ДИГИТАЛНИОТ ЛОГОР НА САТАНАТА И ГО ДОБИВААТ БРОЈОТ НА АНТИХРИСТОТ 666, ЗА КОЈ ШТО Е ПРОРОКУВАНО ВО СВ. ОТКРОВЕНИЈЕ, пишува Здравески на фејсбук.

извор