• Европските интеграции, уставните измени и корупцијата биле централните теми на кои претседателот Стево Пендаровски обрнал најголемо внимание во неговото традиционалното годишно обраќање пред пратениците во Парламентот.
• За промената на уставот рекол дека е потребна кристално јасна и чиста правна и политичка процедура (види фото).
• Побарал конкретни резултати во борбата против корупцијата и упатил критика до правосудството за скандалозните одлуки (една од таквите е последното именување за претседателка на Судски совет на лице кое таму е влезено како негов предлог, никогаш не била судијка, била приправник па стручен соработник во Кривичниот суд Скопје, ама затоа била член на правната комисија во СДСМ).
• Ова е четврто обраќање на Стево Пендаровски пред македонските пратеници и повторно не се сети на своите зборови:
  „Сите слободарски граѓани душата ќе му ја извадат на тој кој евентуално би го потпишал тоа (промената на името - н.з). Нема да го остават така во фотељата во која е. Мислам дека шанси нема за такво нешто, ама ако има, ние мора да му земеме мерка на тој човек и на тие луѓе.“

п.с. Види и „Собрани недела на Стево“