Вести › Набрзинка

Палчо: Не сум грабнувач и убиец, убиецот е од Велес

18 септември 2024

Ви неколку продолженија објавени на Буревесник, Љупчо Палевски Палчо го негира она за што се товари во случаите со грабнувањата и убиствата на малолетната Вања Ѓорчевска од Скопје и пензионерот Панче Жежовски од Велес.
Палчо тврди дека делото му е сместено од Оливер Спасовски и Гаврил Бубевски:

„Послушниците на Бубевски НЕ го докажале присуството на осомниченото возило на местото на настанот, НЕ докажале МОЕ присуство на местото на настан, НЕ докажале присуство на ПАЛЧО во Рено Кангу кое е осомничено возило и многу, многу интересни докази, но и искази во ОЈО, како осомничено лице 24 часа Е ТЕПАНО, со експлицитна наредба да каже дека Палчо ја убил Вања. ДА, ДА, искази во ОЈО запишани, со прецизен опис на ќотекот!“

„ОЈО НЕМА доказ за физичко присуство на Палчо во осомниченото возило. Но, повторно се враќам на обвинението, во кое токму Велибор Манев, како убиец кој признал, мене ме посочува дека сум ја убил Вања, дека јас сум го управувал осомниченото возило иако вештачењето за биолошки траги недвосмислено утврдило 3 негови ДНК траги од која едната на позиција на шофер!“ се вели во писмото Доста беше ќутење!
За Палевски особено за неверување е што обвинителството и натаму за вмешаност го сомничи таткото на Вања, наводно откривајќи им на злосторниците кога Вања оди во школо, небаре тајна е кога почнува настава во Песталоци.
Се наведува дека таткото сам собирал и доставувал снимки од камери во Дебар маало и ги предавал на полицијата.
За тоа дека Вања е убиена од користољубие за на мајка ѝ да ѝ се земат 30.000 евра, Палчевски вели:

„На црниот хард диск, марка Тошиба ќе ги најдете истите 300.000 разговори што ги имаа СЈО и Заев, зарем не е полесно со тие гнасотии од оваа гнасна елита да земам пари заради користољубие, отколку да убивам дете и старец?!“

Една од најшокантните тврдења во писмата на Палчо е дека убиството на Вања е грешка и дека требало да биде убиено друго, постаро лице.

„ОЈО ги крие исказите на признавачите кои ме посочуваат затоа што и двајцата, најмалку 6 пати повторуваат дека Вања била грешка, постара личност требале да грабнат. Но, таа околност, ОЈО НЕ ја спомнува, ниту пак еднаш НЕ ги прашала ако Вања е грешка, КОГО ТРЕБАШЕ ДА ГРАБНЕТЕ?!“

извор

Еднаквост: Во 27 земји 0,1% e повеќе од 80%

3 октомври 2026

Концентрацијата на богатството кај мала група луѓе во 27 земји од светот го надминала нивото во кое 0,1% од возрасната популација поседуваат повеќе од најсиромашните 80% од жителите.
Јазот е најдлабок во Русија, а најмалку е изразен во Словачка.
Македонија според оваа класификација е меѓу земјите со порамномерна распределба на богатството.
Јужна Африка нуди впечатлив пример за тоа колку можат да бидат трајни овие разлики. Студија што го опфаќа периодот од 1993 до 2017 година покажа дека немало трајно намалување на нееднаквоста во богатството по крајот на апартхејдот.

извор

„Лукоил“ ќе заврши кај партнери на Кушнер и Виткоф

3 октомври 2026

Разговорите на администрацијата на Трамп со Русија за крај на војната во Украина се проширија со нафтен договор вреден повеќе милијарди долари, од кој би профитирале деловни луѓе од Блискиот Исток поврзани со двајцата главни американски преговарачи, Стив Виткоф и Џаред Кушнер.
Договорот се однесува на голем број нафтени полиња, рафинерии и бензински пумпи ширум светот во сопственост на „Лукоил“, една од најголемите руски енергетски компании.
Откако администрацијата на Трамп лани воведе санкции против „Лукоил“, компанијата реши да го продаде својот имот во странство. Министерството за финансии на САД дисквалификува неколку потенцијални купувачи на „Лукоил“.
Сега е договорено имотот да биде продаден на група во која учествува инвеститорот Тод Боли, кој донирал 2 милиони долари за политичките цели на претседателот Трамп, на две групи од Блискиот Исток кои соработувале со Кушнер или Виткоф, како и еден огранок на американската влада.
На средбата со Виткоф и Кушнер во Кремљ на 5 септември, Путин предложил договорот да се реализира „како начин да им се покаже на Русите дека можат да соработуваат со САД“. Виткоф и Кушнер имале директна улога во преговарањето за финансиските услови, за да се обезбеди „значителна авансна исплата и удел за САД во добивката“, пишува Њујорк тајмс.

извор