Вести › Набрзинка

Осум ученици убиени во Белград

3 мај 2023

Осум ученици и работник во обезбедување загинаа во утринско пукање во училиште во населбата Врачар. Повредени се уште шест деца и наставник.
Масакрот го сторил 14 годишен ученик, пукал во наставничката по историја а потоа и по други. Испукал 13-14 куршуми. Коста бил одличен ученик и мирно дете.
Медиуми јавуваат дека кај ученикот биле најдени два пиштола и молотов коктел.
Го планирал злосторството еден месец и имал список на деца кои планирал да ги убие. „Направил план на влезот и излезот во училиштето и одредил, како што навел, приоритетни мерки. Скицата изгледа како од видео-игра, што укажува дека детално планирал како да влезе и во кое одделение“, рече началникот на белградската полиција Милиќ.
Уапсен е и неговиот татко.
„Син ми го познаваше дечкото кој пукаше. Бил малтретиран од другари. Родителите го имаат префрлено во друга смена,“ вели писателот Душан Недељковиќ.
Прогласена е тридневна жалост во Србија.

извор

Кац: Израелските сили нема да мрднат од Либан

24 јуни 2026

Израелските одбранбени сили нема да се повлечат од окупираните територии во јужен Либан и Сирија, дури и ако тоа го побараат САД, изјави министерот за одбрана Израел Кац.
„Израелските сили мора да бидат на непријателската страна од границата. Додека Хезболах не биде разоружан, ние нема да ја напуштиме безбедносната зона“, изјави Кац.
Во окупираните зони нема да биде дозволено враќање ни на либанските цивили кои немаат никакви врски со Хезболах. Многумина и немаат каде да се вратат, бидејќи израелските сили им ги уништиле куќите и имотите.
„200.000 жители нема да се вратат. Ако нема цивили, нема ни терористи. Во минатото, кога имаше цивилно присуство во безбедносните зони, имаше експлозиви и напади врз војници. Затоа не го дозволуваме тоа. Војниците внатре, цивилите надвор“, изјави Кац.

извор

Со морски плодови, вино и грчка музика изведувана од неговата сопруга, Заев расчистувал дилеми околу Преспа

24 јуни 2026

Ставрос Цимас, познат грчки новинар што со децении ги следи односите на својата земја со соседите, во книгата „Скриени аспекти на македонското прашање“ открива низа малку познати детали поврзани со Преспанскиот договор и односите меѓу Скопје и Атина по неговото потпишување.
Меѓу нив е и една необична епизода од летото 2019 година, кога тогашниот македонски премиер Зоран Заев, кој летувал на Халкидики, се сретнал со претставници на новата грчка власт на вечера во Фурка. Според Цимас, покрај политичките разговори, вечерта ја обележале добро вино, морски плодови и песни од познатиот грчки пејач Антонис Ремос, кои, како што наведува авторот, ги изведувала сопругата на Заев.
Според Цимас, следното утро Заев бил значително поопуштен.
Меѓу другото, Заев во шега предложил седница на Владата да се одржи на Касандра, каде што летувале дел од неговите министри, а доколку било потребно да заседава и парламентот, тоа да се случи во Солун за да можат да присуствуваат и пратениците што летувале во Переја.

извор