Вести › Набрзинка

Од денешното рочиште за Вања и Панче

20 ноември 2024

Заврши денешното рочиште за убиството на 14 годишната Вања Ѓорчевска и 74-годишниот Панче Жежоски.
Обвинетиот Влатко Кешишев ја повлекол изјавата дека Љупчо Палевски бил присутен за време на убиствата на Вања Ѓорчевска и Панче Жежовски. Навел дека Велибор Манев им вршел притисок да кажат дека Палчо е организатор и дека тој пукал. Манев наводно им се заканил на него и на Боре дека ќе ги здробат ако не кажат така (Плусинфо).
„Ова е тешка местенка, не знам што ми смислил Спасовски, може треба да барам азил во Белорусија“ – велел Палевски во Турција (Слободен печат).
Палевски беше кај мене дома ден по убиството на Вања, ми поправаше котел за греење, сведочел пријател на Палчо (Телма)

извор

Андоновски: Поштата наречена копнеж или за достапноста

10 ноември 2025

Достапноста ќе нè убие. Достапно ни е сè: ене цигари на трафикана за сите, ене го мобилниот со кој го слушам брат ми од Америка кога сакам (дури и гледам каде е во моментот и што прави). Достапни ми се сите брендови на патики и фармерки, онде се зад аголот, во „Сити мол“ или во „Ист гејт“.
Кога сè е достапно, се смалува копнежот по она што го посакуваш. Гасне желбата. А убавината на животот е во копнежот. Убавината е токму во одлагање на задоволството, во одлагање на задоволување на желбата.
Секое ИНСТАНТНО (one click) задоволување на желбите го уништува уживањето, кое доаѓа од чекањето. Да, иако звучи апсурдно, така е – колку подолго го чекаш она по што копнееш, толку посилно ќе биде задоволството кога ќе го добиеш. Ние веќе не знаеме ништо да цениме, по ништо да копнееме, дури и не знаеме што значи да „гориш од желба“ по нешто, зашто ДОСТАПНОСТА на сите нешта инстантно ни ги задоволува сите желби.

извор

Поразите носат кавги: Фрчкоски - Пендаровски

10 ноември 2025

Љубомир Фрчковски го обвини Стево Пендаровски, дека „мешетари внатре во СДСМ“. – Ме чуди тоа што мешетари Стево Пендаровски. Нема потреба од тоа. А мешетари без везе…, рекол Фрчкоски кај Васко Ефтов.
Пендаровски му одговори: „Никогаш не сум мешетарел, тоа го прават други кои се занимаваат со кафеанско озборување. Изјавата е целосно одлепена од реалноста и фактите, што, за жал, се случува поради ‘квалитетот’ на изворите со кои некои луѓе се дружат“, додаде Пендаровски.