Наместо време на правда, време на спогодби
15 август 2024
- Врховниот судија Наќе Георгиев кој беше фатен со мито од 10 илјади евра, сака да се спогоди: согласен е да оди во затвор толку долго колку што ќе процени судот откако ќе ја земе предвид и оваа негова понуда.
- И членот на Советот на јавни обвинители, Иџет Мемети, признал вина и се спогодил со Основното јавно обвинителство за гонење на организиран криминал и корупција.
- Се спогодиле за условна казна затвор од една година и забрана за вршење на професија три години за примање мито.
- „Некој што бил Народен правобранител и член на Советот на јавни обвинители и е фатен во криминал, треба да лежи во затвор најмалку 10 години. Без право на помилување. Само така се искоренува корупцијата во правосудната фела.“ реагираше Мирјана Најчевска.
- „Иако првично негираше вина кога виде условна му се ококорија очињата. За разлика од Наќе не виде ни ден притвор. А и зашто би кога Изет е од ДУИ, а не е тајна влијанието на ДУИ во организиран“, се огласи адвокатот Јанаки Митровски.
