- Противпожарна станица со најмодерна опрема, изградена кон крајот на минатата година и вредна над 20 милиони евра, изгоре до темел во западна Германија.
- Гратчето Штадталендорф лани со гордост ја претстави новата станица но судбината реши таа да изгори сосе цела опрема и 10 најмодерни возила кои биле внатре.
- Во гаснењето на пожарот учествувале 170 пожарникари и волонтери.
- Пазете ја причината за пожарот: станицата немала противпожарен аларм!
- Србија и Босна и Херцеговина се меѓу 14-те избрани земји на кои претседателот Доналд Трамп од 1 август им воведува значително повисоки тарифи за увоз на производи. Србија е погодена со царина од 35%, а Босна и Херцеговина со 30%.
- Тарифите за другите земји се во рангот од 25% за увоз на стоки од Јапонија, Јужна Кореја, Малезија, Казахстан и Тунис, 30% за Јужна Африка, 32% за Индонезија, 35% за Бангладеш, 36% за Камбоџа и Тајланд и 40% за Лаос и Мјамнар.
- Во писмата што им ги испратил на претседателите Трамп ги известува дека „новите царини биле неопходни за да се корегираат трговските дефицити на САД“. Ги предупредува дека на секое нивно зголемување на царините САД реципрочно ќе одговорат, а при отстранување на царинските и регулаторните бариери „можеби“ ќе разгледаат намалување.
- Белата куќа објави дека до крајот на неделата ќе бидат испратени писма со идентична содржина, но со различен процент на тарифи и до други земји.
