Вести › Набрзинка

Музичкиот регистар ВБУ ја сумира ПИН конференцијата 2022

18 декември 2022

Многу луѓе слушаат само playlist-и на дигиталните продавници за музика и немаат воопшто претстава за тоа кои се авторите што не помага многу во продажба на билети за живи настани.
Се подготвува .music домен и реализација на голема идеја што ќе ја обедини музичката заедница.
Виртуелните настапи и концерти нема да бидат замена за живите настапи, тие може само да бидат дополнување на живите настапи и концерти.
Зошто Дубиоза Колектив покрај минималистичкиот пристап имаат дречава жолта боја?
Америка и Англија со голем капитал се сериозна закана за младите таленти од Европа. Ако не се обедини Европа во овој концепт, германски претставник од овој бизнис предвидува колапс.
Не го мешајте приватниот и професионалниот живот. Ниту преку времето што го имате во текот на денот ниту преку партнерот.
Во Македонија, Facebook е број 1 во однос на посетеност. Instagram е на второто место. Во Хрватска Instagram е најпопуларен. Во Србија Тик-ток има голем раст.

извор

Само три земји платиле за Одборот на Трамп за Газа

11 април 2026

Одборот за мир на Доналд Трамп добил само мал дел од 17-те милијарди долари ветени за обнова на Газа.
Од десет земји кои ветија средства, платиле само Обединетите Арапски Емирати, Мароко и САД. Собраната сума е под 1 милијарда долари – помалку од членарината за секоја земја што ја најави Трамп.
За реконструкција на Газа, каде што четири петтини од зградите беа уништени во двегодишните израелски бомбардирања, ќе бидат потребни околу 70 милијарди долари. според проекциите на глобалните институции.
Поради проблемите со финансирањето, новоформираниот Национален комитет за администрација на Газа (NCAG), не може да ја преземе контролата врз регионот од Хамас. Според мировниот план, Комитетот на чело со Али Шаат Хамас треба да ги управува министерствата и полициските сили.

извор

Астронаутите од Артемис 2 се вратија живи и здрави

11 април 2026

Четворицата астронаути на НАСА утрово безбедно се спуштија на Земјата, по десетдневната мисија Артемис 2 околу Месечината.
Нивната капсула „Орион“ ги издржа огромните температури од брзото навлегување во земјината атмосфера и се спушти со падобран во Пацификот, покрај брегот на Калифорнија.

„Стабилни сме“, објави командантот на мисијата Рид Вајзман. Тој и другите астронаути – Виктор Гловер, Кристина Кох и Канаѓанецот Џереми Хансен, ќе поминат низ неколкудневни детални медицински прегледи.
При влегувањето во атмосферата, екипажот леташе 32 пати побрзо од звукот (побрзо од кој било човек досега), а нивната капсула беше изложена на температура од 2.760 Целзиусови степени – практично беше обвиткана во оган, поради што во критични 6 минути немало никаков контакт со Контролата на мисијата. Падобраните ја намалиле брзината на слободниот пад на 25 километри на час.
При мисијата за обиколување на Месечината, екипажот на НАСА стаса 406.778 километри од Земјата, подалеку од кој било човек досега, и направи детални снимки од нејзината „скриена“ страна.
НАСА в година ќе ја спроведе мисијата Артемис 3, во која ќе тестира екипаж со лендери во орбита, како конечна подготовка за мисијата Артемис 4, кое опфаќа спуштање астронаути на Месечината, прв пат по 1972 година. Во трка е со Кина, која планира да испрати свои „таиконаути“ на Месечината до 2030 година.

извор