Вести › Набрзинка

Мизар: Опкружени сме со изроди, а не со луѓе

21 декември 2022

„Новиот албум е многу интимен. Сега сум во тој период од животот кога се прашувате што е смислата на сè, што е суштината на животот, има ли смисла. Станувате свесни дека денес ве има, а утре ве нема. Ве обзема меланхолија, една неизвесност, измешано чувство на радост и тага.“
„Живееме во време на злото, се помалку има луѓе меѓу нас, а изродите се насекаде. Луѓето се отуѓија во овој конзумеристички систем. Технологијата презема сè, и тоа не е проблем, но може да стане ако дозволиме да ја изгубиме човечноста и чувствата. Парите станаа императив на материјалистичкото општество. Мора да има баланс помеѓу духовното и материјалното. Се отуѓивме, стана брутално. Без емпатија.“
„Едно време турбо-фолкот завладеа, но сега дојде нова генерација, оние што имаат меѓу 20 и 30 години, кои се под влијание на странската хибридна музика, и затоа нашата фузија и одговара на урбаната рок публика. Таа нова генерација ќе ги промени сите овие држави, тоа е прогресивна младина која е извонредна,“ вели Горазд Чаповски во интервју за Нова.

извор

Иран почнува да беси

13 јануари 2026

Иран ќе го погуби првиот демонстрант од илјадниците што се приведени во масовните протести против режимот, соопшти невладината организација Иран за човекови права (IHRNGO).
Ерфан Солтани (26) утре треба да биде обесен откако бил уапсен минатата недела на протестите во Карај. На неговото семејство му било кажано дека е осуден на смрт поради „војна против Бога“, и дека казната треба да се изврши на 14 јануари.
Убивањето цивилни демонстранти од страна на Исламската Република потсетува на злосторствата на режимот во 1980-тите, кои се признати како злосторства против човештвото. Ризикот од масовни и вонсудски егзекуции на демонстранти е исклучително сериозен, изјави директорот на IHRNGO, Махмуд Амири-Могадам.
Според групите за човекови права, повеќе од 10.000 луѓе се уапсени во последните недели поради учество во антивладините протести предизвикани од пропаѓањето на иранската економија. Убиени се повеќе од 500 демонстранти.

извор

Трамп воведува царини од 25% за земјите што тргуваат со Иран

13 јануари 2026

Во обид да го засили притисокот врз режимот во Техеран загрозен од масовни протести, американскиот претседател Доналд Трамп воведе царина од 25% за увоз на стоки од земји што соработуваат со Иран.
Кина се очекува да биде најтешко погодена од царината. Пекинг лани купи 77% од суровата нафта што ја извезува Иран - околу 1,6 милиони барели на ден. Другите главни трговски партнери на Иран се Индија, Европската Унија, Турција и Обединетите Арапски Емирати. Според податоци од Светската банка, Иран во 2022 година извезувал стоки во 147 земји.
Трамп во неделата изјави дека властите во Техеран побарале разговори со САД. Тој додаде дека Вашингтон е во контакт со ирански опозициски лидери и дека ги разгледува сите опции за зголемување на притисокот врз иранскиот режим, вклучувајќи кибернетски и воени напади.
„Воздушните удари се една од многуте алтернативи, но дипломатијата секогаш е првата опција за претседателот“, изјави претставничката на Белата куќа, Каролин Ливит.

извор