Компанијата на Марк Закерберг соопшти дека ги забранува РТ, РИА новости, Спутник и други руски државни медиуми на сите свои платформи (Фејсбук, Инстаграм, Воцап...)
Така решиле откако САД обвинија луѓе на РТ дека префрлиле 10 милиони долари за скриено влијание врз западната публика на низа социјални медуими.
Наводно била финансирана компанија за создавање онлајн содржини од Тенеси која од крајот на 2023 година продуцирала 2.000 видеа кои биле видени 16 милиони пати на Јутјуб.
16 милиони пати? Тоа е големата опасност од моќната руска пропагандна империја?
Ок. Оваа (неслушлива) песна на Раста и Ана Николиќ е видена преку 80 милиони пати на Јутјуб:
Соларните инсталации во Кина за прв пат ги надминаа термоцентралите на јаглен како најголем извор на електрична енергија во земјата.
Кинеската државна телевизија соопшти дека сончевата енергија сочинува 31,5% од вкупниот инсталиран капацитет за производство на струја.
До крајот на јули, фотоволтаичните системи имаа инсталиран капацитет од 1.286 гигавати, додека капацитетот на електраните на јаглен бил 1.285 гигавати.
Во вкупниот капацитет од 4.080 гигавати учествуваат и ветерниците со 685 гигавати, хидроцентралите со 425 гигавати, нуклеарните централи со 58 гигавати и централите на гас, нафта и други горива со околу 340 гигавати.
Сепак, експанзијата на фотоволтаичните системи забавува поради промената во стандардите. Од летото минатата година Пекинг ги укина гаранциите за цените за проектите за соларна енергија и им овозможи на пазарните сили да ги одредуваат цените.
Техеран ја обвини Европската Унија дека ја напуштила својата правна и политичка независност со тоа што се согласи со американските санкции против Иран. Ги предупреди земјите-членки дека ќе се соочат со последици.
„Се чини дека ЕУ под американска принуда го предаде својот суверенитет, своите закони и прописи, своите вредности и својата етика“, објави портпаролот на Министерството за надворешни работи, Исмаил Бакаи.
Во 2018 година, како одговор на американските секундарни санкции за Иран, Брисел усвои Статут за блокирање, со кој отвори посебен канал за плаќање за да ја одржи трговијата со Иран.
Осум години подоцна, Техеран бара од Европа да се придржува до сопствените правила.
„Европската Унија не може да го поддржи економскиот тероризам на Вашингтон против Иран, а истовремено да тврди дека работи кон деескалација и воспоставување регионална стабилност“, додаде Бакеи.
