Вести › Набрзинка

Малинка Ристевска Јорданова: Време е да се крене „рачна“

12 септември 2023

Франција не фрли бомба. Нејзиниот став е конзистентен – нема проширување без реформи на ЕУ, односно „институционални промени“ Загрижени се дека и сега - со 27 членки има проблеми да се „напредува за суштествени теми“, а камоли со 32 или 35 членки.
2030 година не е реална. На власта ѝ е потребна мамка за да се спроведе тоа што минатата година го ветила без никаква основа. Таканаречениот „моментум“ не постои.
Можното „купување“ на политичка поддршка за уставните измени со амнестија за организираниот криминал преку неодамнешните измени на Кривичниот законик само дополнително ги оддалечува политичките лидери од граѓанството. Ова подло кукавичко јајце подметнато под превезот на „усогласување со ЕУ“ суштествено ќе нè оддалечи од ЕУ.
Уставните измени се само дел од тактиката „салама“ за да се проголтаат постепено сите бугарски услови и да се обезбеди внатрешна правна основа за барањата што ќе следат.
Сегашново брзање нема никакво оправдување. Потребна ни е стабилност, сигурност, разум. Има време и простор за сѐ, освен за нови грешки. Единствена итност е да се престане со спиралата на грешки. Ако сакате попластично – време е да се крене „рачна“, за најпрвин да се прекине сегашнава надолна спирала. Да престанат поделбите по сите линии во име на „светлата европската иднина“, да престане разградувањето на институциите, вели Ристевска Јорданова во интервју за Республика.

извор

ЕУ да истераат викенд па во понеделник ќе зборат за Иран

1 март 2026

Урсула фон дер Лејен за понеделник свика седница на Специјалниот колеџ за безбедносни прашања, за да дискутираат за ситуацијата ви Иран.
Претседателката на Европската комисија нагласи дека клучно за регионалната безбедност и стабилност е да нема понатамошна ескалација „поради неоправданите и неиспровоцирани напади на Иран врз партнерите во регионот“.
Претходно, Фридрих Мерц, Емануел Макрон и Кир Стармер ги осудија нападите на Иран врз блискоисточните земји и не кажаа ни збор против САД и Израел, кои ја почнаа војната со „превентивните напади“.
Во тие напади беа таргетирани 30-тина цели во Иран и јужен Либан и освен 86 годишниот ајатолах Хамнеи, беа убиени неговата ќерка, внука, снаа и зет.
Во нападот врз основно училиште за девојчиња во јужниот ирански град Минаб бројот на жртви се движи од 40 до 85.
Оправдано и испровоцирано.

извор

Го убија иранскиот ајатолах

28 февруари 2026

Врховниот лидер на Иран, ајатолахот Али Хамнеи, е убиен во нападите на САД и Израел врз Иран, пишува Њусвик.
Израелските власти првично соопштија дека има „знаци“ дека Хамнеи е мртов, но рекоа дека ја потврдиле неговата смрт а неговото тело е пронајдено, известил Ројтерс.
Од друга страна, иранските новински агенции „Тасним“ и „Мехр“ тврдеа дека врховниот лидер „стамено и цврсто командува на теренот“, но подоцна ја потврдија смртта.

Новинската агенција “Фарс“ јави дека во нападите загинале и ќерката, зетот и внукот на врховниот лидер.
Сателитските снимки покажаа дека претседателскиот комплекс на Хамнеи во Техеран е срамнет со земја, но постоеше неизвесност за тоа каде се наоѓа ајатолахот.
Имаше извештаи дека Хамнеи бил преместен во безбеден објект. Неколку часа по нападите, иранските медиуми најавија негово обраќање до нацијата, но, тоа не се случи.
86-годишниот Хамнеи владееше со Исламската Република 36 години откако стана нејзин втор лидер во 1989 година, наследувајќи го Хомеини.

Види и: Меѓународниот поредок опстанува заради наивноста на неговите критичари

извор