Вести › Набрзинка

Макрон: Во следните часови ќе барам договор со „Северномакедонците“

23 јуни 2022

Претседателот на Франција, Емануел Макрон, чија земја претседава со ЕУ до крајот на месецов, се надева дека сѐ уште е можен договор меѓу Скопје и Софија за преговарачката рамка, јави дописничката на МИА од Брисел нагласувајќи дека Макрон го употребил изразот „Северномакедонци“.
Блиску сме до договор кој овозможува правда за бугарските барања и е компатибилен со тоа што Северна Македонија може да го направи, рекол Макрон и додал дека со „Северномакедонците“ во следните часови ќе разгледува начин да се склучи договорот.
На фотографијата, Макрон со сопругата на летување, 1984 година.

29 јули 2026

Германскиот производител на автомобили BMW ќе укине до 8.000 работни места до крајот на 2027 година, поради намалената продажба и засилената конкуренција од кинески возила.
BMW претходно оваа година навести дека намалувањето на бројот на вработени е неизбежно, откако ја намали прогнозата за годишната добивка поради слабата продажба во Кина
Од октомври на вработените во администрацијата и во секторите за истражување и развој во Германија ќе им бидат понудени пакети за доброволно заминување од работа. Нема планови за отпуштање на работници од фабричките погони.
Компанијата од Минхен моментално има 84.000 вработени во Германија и околу 154.000 на глобално ниво.
Претходно Volkswagen најави дека ќе отпушти 100.000 работници и ќе затвори фабрики. Porsche отпушта 5.000 работници, а и Mercedes размислува за промени во својата работна сила.

29 јули 2026

Саудиски борбени авиони првпат им се придружија на американските во напади против иранската Револуционерна гарда (ИРГК), но не на територија на Иран, туку во Ирак.
При нападот врз бази на терористички групи поврзани со ИРГК биле убиени најмалку 20 луѓе.
Саудиска Арабија со децении купуваше американско оружје за да биде под безбедносниот чадор на САД. Досега во војната дејствуваше само на своја територија, за да ги пресретне иранските ракети и дронови.
Првата офанзивна акција, спроведена заедно со американските сили, Ријад ја оправда со „вроденото право на одбрана“, согласно Членот 51 од Повелбата на ОН.
Ирачкиот претседател Низар Амеди го осуди саудиско-американскиот напад како „грубо кршење на суверенитетот на Ирак, спротивно на меѓународното право и Повелбата на Обединетите нации“.