- На самитот на ЕУ, Урсула фон дер Лaјен доби номинација за втор мандат како претседател на Европската комисија.
- Естонската премиерка Каја Калас треба да стане главен дипломат на ЕУ а поранешниот португалски премиер Антонио Коста е избран да ја преземе функцијата претседател на Европскиот совет.
- Џорџа Мелони за целиот процес кажа дека е погрешен. На крајот, беше воздржана за Урсула а гласаше против другите двајца.
- Ова е само прво полувреме за фон дер Лајен: следниот месец треба да добие мнозинство и од 720-те пратеници во Европскиот парламент.
- „Цела цивилизација ќе умре вечерва, за никогаш повеќе да не се врати. Не сакам тоа да се случи, но веројатно ќе се случи“, порача Доналд Трамп во безумна закана за уништување на Иран.
- Тој цврсто стои до ултиматумот што му постави на Техеран до вечер во 20 часот според американско време да го деблокира Ормускиот Теснец. Ако не, ќе нареди „пеколни“ напади кои „ќе го вратат Иран во Камено доба“.
- Трамп отворено се закани дека ќе ги уништи мостовите, енергетските постројки и централите за десалинизација, што би оставило десетици милиони Иранци без струја и вода. Тоа, според сите критериуми е воено злосторство насочено против цивили.
- Трамп остави мал простор да ги откаже нападите во последен час, како и во претходниот ултиматум до Техеран пред две недели: „Сепак, сега кога имаме целосна и тотална промена на режимот, каде што преовладуваат различни, попаметни и помалку радикализирани умови, можеби може да се случи нешто револуционерно прекрасно, Кој знае?“.
- И самиот дава одговор: „Ќе дознаеме вечерва, еден од најважните моменти во долгата и сложена историја на светот. 47 години изнудување, корупција и смрт конечно ќе завршат. Бог да го благослови великиот народ на Иран!“.
