Вести › Набрзинка

Леб и сол: Ова ни е најдобрата постава

13 декември 2024

„Што друго да се каже за Бодан и за Кокан освен... Господа! Таква срдечност и отвореност ретко се среќава меѓу уметниците“, пишува Бојан Божиќ во воведот на интервјуто со Кокан, Бодан, Мичо и Мишко во Рокомотива.
Кокан: Ние во тоа време свиревме сосема поинаква музика од сите други бендови. Со тоа ги изненадивме сите: себе, колегите па и публиката.
Бодан: Сите почнавме со соло албуми. На промоцијата на мојот дојдоа сите освен Влатко. Кога во Скопје концертно го промовирав тој албум (Endless View), Влатко дојде но излезе после втората песна а на заминување викал: Ова не му требаше, ова не му требаше...
Кокан: Влатко е интелигентен и возрасен човек кој одлично свири. Нека му е со среќа, но, жално е тоа што го работеше, зашто тоа не е негово ниво. ОК е да заработиш пари, да се продадеш, да бидеш пеjач.... Ние сега во шала викаме: „еве ни го бившиот пејач“. Но, чуму сето тоа? Имаш авион, имаш МИГ-51 од бенд а ти го паркираш и му переш шофершајбна.

извор

Српска изборна класика: Вучиќ победува, опозицијата не признава

9 јуни 2025

Завршија вонредните локални избори во Заечар и Косјериќ, кои се гледаа како лакмус за расположението на народот после 6 месечните протести и блокади на студентите и граѓаните кои ги поддржуваа.
Повикувајќи се на записниците кои ги имаат потпишано и опозиционите учесници во изборите, Александар Вучиќ соопшти дека неговата Српска напредна странка во Косјериќ победила тесно а во поголемиот Заечар убедливо.
Рече дека изборите минале во услови досега невидени на српската политичка сцена и атмосфера на линч, прогон, малтретирање на граѓаните, закани, уцени, кршење на сите законски норми, кршење на елементарните изборни правила...
Вучиќ е горд и задоволен од резултатите, особено на оние во Заечар кадешто освоиле 3.000 гласови повеќе од минатите избори.
„Невидена кражба,“ соопшти опозицијата и порача дека не ги признава резултатите по што повика на протести пред владата.