Вести › Набрзинка

Конечната смрт на Шарената револуција

19 април 2022

Обвинителството одлучи да не ги гони екс директорите на Фондот за здравствено осигурување за случајот со смртта на девојчето Тамара Димовска од Велес.
Повлечено е обвинението против тројцата обвинети, а на останатите деветмина обвинети доктори кои беа членови на комисиите во Фондот и одлучуваа за лекувања во странство, делото им е преиначено, со што делото застарува.
Не се закажани протести и демонстрации, нема нови кандидати за „министер/обвинител за смрт“, нема завети дека случајот нема да се заборави, нема хистерични пораки дека „на вака освестеното граџанство, секоја наредна власт ќе му се плаши“.

извор

Лична карта и возачка дозвола од октомври и на мобилен телефон

3 септември 2026

Во октомври ќе биде промовирана новата мобилна апликација м.Услуги, во која ќе бидат достапни дигитални верзии на личната карта и на возачката дозвола, најави министерот за дигитална трансформација, Стефан Андоновски.
Преку м.Услуги, граѓаните на едно место ќе можат да пристапуваат до личните документи во дигитална форма како и до електронските услуги на администрацијата. Целта е државните услуги да станат подостапни и поедноставни за користење, директно преку мобилен телефон.
Министерството во изминатиот период интензивно работело на прашањата поврзани со сајбер-безбедноста, заштитата и начинот на чување на личните податоци, како и нивната размена со МВР, кое е сопственик на податоците.
„Во завршна фаза сме на усогласување и потпишување на протоколот за размена на податоците, како и на тестирањето на апликацијата. Сакаме, пред таа да биде достапна за сите, да бидеме сигурни дека системот е стабилен, безбеден и едноставен за користење. Апликацијата ќе биде достапна на App Store и Google Play, а нејзината тест-верзија досега ја презедоа околу 6.000 граѓани“, рече Андоновски.
Следниот чекор во дигиталната трансформација е мобилниот телефон постепено да стане дигитален паричник преку кој граѓаните безбедно и едноставно ќе пристапуваат до своите документи и до услугите на државата.

извор

Мадуро се повикува на имунитет од кривично гонење

3 септември 2026

Грабнатиот венецуелски претседател Николас Мадуро тврди дека како шеф на суверена држава има имунитет од кривично гонење во странство и побара од судијата во Менхетн да ги отфрли кривичните обвиненија за трговија со дрога против него.
Обвиненијата послужија како основа за американската воена интервенција во Каракас на 3 јануари, во која Мадуро беше грабнат од претседателската палата и беше префрлен во федерален затвор во Бруклин. Судењето е закажано за 1 јуни 2027 година.
Принципот според кој актуелните шефови на држави уживаат имунитет од кривично гонење во странство е долгогодишно начело, кое се смета за темел на дипломатијата. Одлуката на окружниот судија Алвин Хелерстајн претставува тест за општата воздржаност на американските судови во однос на примената на меѓународното право во кривичните постапки. Вашингтон не го признава Мадуро како претседател на Венецуела уште од 2019 година, а судовите обично го следат ставот на американскиот претседател.
Адвокатот на Мадуро, Бери Полак, тврди дека венецуелскиот претседател е лажно обвинет, бидејќи дејствијата за кои се товари биле дел од неговите службени должности. „Овој случај на кривично гонење без преседан го крши апсолутниот имунитет од кривична јурисдикција, на кој со векови имаат право шефовите на држави и странските функционери кои дејствуваат во својство на службени лица“, напиша Полак.
Кривичните постапки во САД против шефови на странски држави се исклучително ретки, но праксата не му оди во прилог на Мадуро. Во 1990 година, федерален судија во Мајами го отфрли обидот на поранешниот воен лидер на Панама, Мануел Нориега, да се повика на имунитет како шеф на држава, делумно и поради тоа што тој никогаш официјално не бил претседател.

извор