Вести › Набрзинка

Кој ја украл јакната на Која од МКЦ - да ја врати!

26 декември 2023

Љупчо Давчев Македонецот раскажува како утнал концерт на Дисциплина кичме во 80-тите во МКЦ (тогаш „25 мај“). Пробал да се шверца, тогашниот директор Мирко го има фатено па завршил во полиција; кога го пуштиле, концертот веќе бил завршен.
Тогаш некој му ја има украдено кожната јакна на Која, што овој го памтел долго и викал дека нема да свири веќе таму дур не му се врати јакната.
Ако не знаете, Душан Којиќ Која пред некое време имаше сериозен мозочен удар. Љупчо вика, можеби она што косата му беше на Самсон, таа јакна му беше на Која.
Да се врати!

п.с. Овие песни ги одбра Која за вас.

извор

Бес во Израел заради прекинот на огнот

8 април 2026

„Ова е политички и стратешки пораз! Во целата наша историја, таква катастрофа никогаш не се случила“, го коментира примирјето шефот на израелската опозиција, Јаир Лапид.
Вели дека Бенјамин Нетанјаху не исполнил ниту една цел која си ја имал зададено иако војската направила сè што барал.
Лапид потсетува дека Израел не ни бил вклучен во преговорите и дека на државата „ќе ѝ требаат години за да се опорави од политичката и стратешката штета“ што Нетанјаху ја предизвика со својата ароганција, невнимание и недостаток на стратешко планирање.
Претседателот на партијата Израел Бејтену, Авигдор Либерман, оцени дека ваков договор со Иран значи дека Израел во иднина ќе мора повторно да влезе во конфликт, под потешки услови и по повисока цена.

извор

Одбиен предлогот за ограничување на учеството во странски војни

8 април 2026

Предлогот на пратеничката група на Левица за измени и дополнувања на Законот за одбрана не доби поддршка во Собранието, откако пратениците од СДСМ гласаа против, а пратениците од ВМРО-ДПМНЕ не гласаа.
„Собранието треба да ја ограничи Владата, така што армијата ќе се користи само во мисии со меѓународен легитимитет, одобрени од Советот за безбедност на Обединетите нации“, истакна Реџеп Исмаил.
„Со ова се елиминира можноста македонскиот војник да биде испраќан во геополитички лавиринти без јасен меѓународно-правен легитимитет, како монета за поткусурување во туѓи пресметки“.
Досегашните интервенции на НАТО – од Југославија, преку Ирак до Либија – покажуваат примери на операции без соодветен или залоупотребен мандат. Во образложението беше посочено и дека постои ризик од индиректно вклучување во конфликти преку поддршка, како што е испораката на оружје за Украина, што може да има економски, енергетски и безбедносни последици.

извор