Вести › Набрзинка

Кланот од Грчец скастрен, но не и обезглавен

26 јануари 2024

Петмина осомничени од групата Грчец добија притвор поради сомнежи за учество во шверц на стотици килограми кокаин, убиства и перење пари. Шестиот приведен, Оливер Петров, кој е осомничен дека убедувал жртва на групата Грчец да смени изјава во истрага, доби поблага мерка, односно одземен му е пасошот.
10 се во бегство, пишува Сител.
Лидерот на групата, Шеваљ Муареми не е уапсен. Со години е надвор од државата од каде раководи со големата скопска криминална група. Според информации на Телма од истрагата, се наоѓа во Дубаи, а полицијата потврдила дека таму бил и Раде Трајковски-Штекли, скопјанец кого групата на Муареми двапати се обиде да го ликвидира во Ист гејт мол.
Фатлум Ајети, викан Тоте, син на убиениот Џељо Ајети пред една деценија, од затворот Идризово, од удобно катче со пура во рака, ја прослави полициската акција против неговите непријатели од подземјето.
На платен список на криминалната група од Грчец биле полицајци и судии, тврди Телма.
Опозициската ВМРО-ДПМНЕ посочува на тесна поврзаност меѓу лидерот на групата Грчец и новиот технички премиер Џафери. Партијата го истакнува загрижувачкото пријателство меѓу двајцата, пренесува Лидер

извор

Грција од 2027 година ќе блокира социјални медиуми за помлади од 15 години

8 април 2026

Грција од идната година ќе блокира пристап до социјалните медиуми за деца и тинејџери помлади од 15 години, објави премиерот Киријакос Мицотакис. Предлог-законот ќе биде поднесен до Парламентот во текот на летото, за да може да стапи на сила на 1 јануари 2027 година.
„Сигурен сум дека многумина од помладите ќе ми се лутат. Да бев на ваша возраст, можеби ќе се чувствував исто. Но, зависноста предизвикана од дизајнот на некои апликации, моделот на правење профит од вашето внимание, од тоа колку време поминувате пред екранот на мобилниот телефон и одземањето дел од вашата невиност и слобода, мора во некој момент да заврши“, порача Мицотакис преку видео на ТикТок.
Конзервативната влада на Мицотакис веќе забрани употреба на мобилни телефони во основните и средните училишта и долго време најавуваше ограничувања на социјалните медиуми.
„Грција ќе биде меѓу првите земји што ќе преземат таква иницијатива. Но, сигурен сум дека нема да биде последна. Имаме намера да извршиме притисок врз Европската Унија во таа насока, додаде Мицотакис.
Британија, Франција, Португалија и Шпанија, планираат слични ограничувања на младите за пристап до социјалните медиуми. Австралија беше првата земја што им забрани на лицата под 16 години да користат платформи на социјалните медиуми.

извор