Вести › Набрзинка

Ќе им плаќаме милионски пенали на Бехтел и Енка доколку доволно не им робуваме

11 април 2023

Договорот кој владата го потпишала предвидува милионски пенали за Бехтел и Енка доколку не добие зелено светло 60 часовната работна недела.
Во случај Собранието да не ги донесе законските измени со кои ќе се овозможи работниците што ќе работат на автопатите да бидат работно ангажирани 60 часа во неделата, државата од буџетот на основ на отштета ќе треба еднократно да ѝ исплати на американско – турската компанија 53 милиони евра народни пари за пенали.
Освен еднократната отштета, ќе треба да се плаќа и 1,26 милиони евра месечно а на ова дополнително ќе треба да се платат уште 900.000 евра секој месец, обелоденува Александар Николоски кој имал увид во договорот (овде има и фотографии).
„Некој ќе заглави во затвор за договорот со Бехтел и Енка“, порачува Апасиев.

извор

Погодете што сега сака да преименува Трамп

20 септември 2026

Сака да ѝ стави ново име на вештачката интелигенција.
„Многу луѓе мислат дека зборовите „Вештачка интелигенција“ се неточни и многу нејасни во однос на ВИ односно вештачката интелигенција“, напиша Трамп.
Понуди гласање за три негови предлози: Супериорна интелигенција, Екстремна интелигенција или Врховна интелигенција.
Во моментов води Супериорна.
Еден му има пишано: „Нè заболе бе за ова, прекини ги војните и врати го бензиот на два долара за галон“.

извор

Пет земји ја кочат интеграцијата на Црна Гора во ЕУ

19 септември 2026

Холандија побарала пауза на процесите за интеграција на Црна Гора во Европската Унија укажувајќи на потребата од „дополнителна анализа и поконзистентна примена на сите утврдени стандарди“.
На ова барање се придружиле и Хрватска, Естонија, Литванија и Летонија. Инсистираат на темелна проверка на исполнетоста на клучните критериуми пред да се донесат какви било нови одлуки на европско ниво.
„Она што сега изгледа сигурно е дека нема да се затворат поглавја на маргините на состанокот на Советот на ЕУ овој месец, спротивно на претходните очекувања и најави“, заклучува подгоричкиот весник „Дан“.
Црна Гора досега има затворено 18 од 33-те преговарачки поглавја. Хрватска го блокираше Поглавјето 14, кое се однесува на транспортната политика. Веќе две години е блокирано Поглавјето 31 – кое ја опфаќа надворешната, безбедносната и одбранбената политика.

извор