Вести › Набрзинка

Ќе бара ли сега Бугарија промена и на албанскиот устав?

4 јули 2024

Ако во пописот во Албанија има трипати повеќе Бугари, дали ќе биде услов и таму тие влезат во преамбулата на Уставот?
За резултатите од пописот во Албанија, Мицкоски вели дека Владата на СДСМ и ДУИ оставија празен простор за туѓа пропаганда.
„Прашањето е дали и за Албанија ќе важи тој услов или само за нас ќе важи. И баш би сакал да видам каква ќе биде реакцијата: Не ја сфаќам логиката зошто за нас би важело, а за таму каде што ги има трипати повеќе да не важи“, вели премиерот.

22 ноември 2024

Кина објави дека ќе проширува безвизниот влез за уште девет земји, меѓу кои и Македонија, во обид да ги поттикне туризмот и деловните патувања за да помогне во заживување на економијата.
Од декември годинава, без виза во Кина ќе може да се престојува 30 дена. Само 38 пасоши од светот Кина ги пушта без виза.
Интересно е што во листата за проширување на безвизниот режим е и Јапонија.

21 ноември 2024

Спикерот Африм Гаши повика обезбедување и прогласи 10-минутна пауза за да спречи ескалација на инцидентот меѓу Димитар Апасиев и пратеникот на ВМРО ДПМНЕ, Зоранчо Јованчев.
Димче тврди дека Зоранчо го опцул па реагирал барајќи да не му го спомнуваат семејството.
За малку ќе имаше пресметка и меѓу Борислав Крмов од Левица и пратеникот на ВМРО-ДПМНЕ, Александар Велјановски.
Смирувачки е да се види како во пресрет на сè поблиска Трета светска војна, македонските народни избраници се на висина на задачата.

*****