Вести › Набрзинка

Кавга во Судски совет за случај со судски непотизам

24 јуни 2024

Кога пред членовите на Судскиот совет се најде претставка против претседател на суд за непотизам, пристрасност при вработувања и сериозно обвинување за примање на мито, се скараа претседателката Весна Дамева и Лорета Горгиева, член на Советот околу натамошната судбина на оваа претставка.
Горгиева е известител за претставката поднесена од анонимен подносител кој тврди дека четири новопримени лица биле во блиски роднински и пријателски врски со претседателката на судот.
„Во дописот стои дека судот личел на судска кооперација во која се продаваат разни стоки и има индиции дека лицето Силвана зема износ од 5.000 евра. Тука има сериозни наводи кои упатуваат на непотизам и коруптивно однесување и предлагам претставката заедно со дописот да се затвори со службена белешка дека се упатува на надлежно постапување во ДКСК и Јавното обвинителство“, побара Горгиева.
„Наводите се за вработувањата и не може Судскиот совет да се произнесе за нив. Овој допис ќе го ставиме дополнително на разгледување на наредна седница“, рекла претседателката на Советот, Дамева.

извор

Трамп: Вечерва ќе умре цела цивилизација!

7 април 2026

„Цела цивилизација ќе умре вечерва, за никогаш повеќе да не се врати. Не сакам тоа да се случи, но веројатно ќе се случи“, порача Доналд Трамп во безумна закана за уништување на Иран.
Тој цврсто стои до ултиматумот што му постави на Техеран до вечер во 20 часот според американско време да го деблокира Ормускиот Теснец. Ако не, ќе нареди „пеколни“ напади кои „ќе го вратат Иран во Камено доба“.
Трамп отворено се закани дека ќе ги уништи мостовите, енергетските постројки и централите за десалинизација, што би оставило десетици милиони Иранци без струја и вода. Тоа, според сите критериуми е воено злосторство насочено против цивили.
Трамп остави мал простор да ги откаже нападите во последен час, како и во претходниот ултиматум до Техеран пред две недели: „Сепак, сега кога имаме целосна и тотална промена на режимот, каде што преовладуваат различни, попаметни и помалку радикализирани умови, можеби може да се случи нешто револуционерно прекрасно, Кој знае?“.
И самиот дава одговор: „Ќе дознаеме вечерва, еден од најважните моменти во долгата и сложена историја на светот. 47 години изнудување, корупција и смрт конечно ќе завршат. Бог да го благослови великиот народ на Иран!“.

извор