Вести › Набрзинка

Како мали Џелал замислува доаѓање до европски вредности

21 септември 2023

Ако нема друг начин, останува уставните измени да се изгласаат на балкански начин како Преспанскиот договор, вика новинарот Џелал Незири.
„Како може корупцијата да биде разбиена со ваков систем? Затоа ни треба Европа и затоа стремиме кон тој систем на вредности. Ако политичките партии не успеат на цивилизиран начин да дојдат до компромис, пак преостанува балканскиот начин“, вели Незири.
Со други зборови, за да дојдеш до повисоките вредности, треба да ги кршиш истите вредности.
Со други зборови, за да станеш светец, треба да ги елиминираш сите кои ти пречат за да станеш светец.
Со други зборови, треба да си мафијаш за да станеш поштен.
Со други зборови, глуп човек.

11 јули 2025

Данела Арсовска била вербално и физички нападната кога посетила објект во изградба кој немал потребни дозволи, каде се крадела струја и вода и за кој не биле платени никакви давачки.

Министерот за внатрешни работи Панче Тошковски вели дека физички контакт имало, но дека е лага и повторен обид за манипулација на јавноста тоа дека нападот се случил пред очите на полицијата.
Плусинфо објави снимка од надзорна камера која покажува друга верзија на настанот. „Данела Арсовска прва започнува со напад при денешната обиколка на дивоградби во Општина Чаир. Таа со клоци удира маж кој потоа и возвраќа со напад“, пишува порталот.

11 јули 2025

Наспроти ниската стапка на наталитет во речиси сите членки, Европската Унија сега има рекордно висок број жители поради „зголемените миграторни движења“ по пандемијата на ковид во 2021 година, покажуваат најновите статистички податоци.
„Од 2012 година наваму негативниот природен прираст во ЕУ е помал од позитивната миграција“, наведува Еуростат.
На почетокот на годинава ЕУ имала 450,4 милиони жители, што е апсолутен рекорд. Тоа е за околу 1 милион повеќе во споредба со 2024 и четврто по ред зголемување од година на година.
Од 1960 година населението на ЕУ се зголемило за 95,9 милиони, главно поради проширувањето со нови членки.
Денес најмногу жители има Германија (83,6 милиони), а најмалку Малта (0,6 милиони). Речиси половина од населението е концентрирано во Германија, Франција и Италија.