Вести › Набрзинка

Каде во Белград победи Вучиќ а каде опозицијата?

18 декември 2023

Листата „Србија не сме да стане“ победила во 11 белградски општини а опозиционата „Србија без насиља“ во шест.
СНС најдобар резултат има во Сурчин (54,7 %) а над 50 проценти има уште во три општини. Опозицијата најдобар скор има во Врачар (48,4%) а победила и во Вождовац, Звездара, Нов Белград, Стари град и Савски венец.
Во белградското собрание влегуваат и луѓе на доктор Несторовиќ, од коалицијата НАДА и социјалистите на Дачиќ.
Бучните Двери и Заветници останаа под цензусот освојувајќи само 2,3% од гласовите.

28 ноември 2024

На пратеничко прашање околу прислушувањето, премиерот вети дека наскоро ќе биде откриено како се прислушувало и дека пратениците од СДСМ ќе бидат згрозени.
„Јас сум убеден дека дел од раководството на СДСМ не ни знаеле дека тоа се случувало, дека најголемиот дел од нив го правеле за злоупотреба и лична агенда. Не дека некои од највисокото раководство немале информации, имале. И тоа што се случувало ќе ве згрози и вас“.
„Затоа ја гледам таа дебата од убдашки болшевистички структури кои се присутни во нашите кодошки безбедносни структури. И затоа се плашат од спојување на агенциите. Што им фалеше спојувањето на овие агенции во Хрватска, во САД?“ праша Мицкоски.

27 ноември 2024

Бугарскиот патријарх Даниил испрати писмено сочувство по повод смртта на митрополитот Дебарско-кичевски Тимотеј.
Сочувството и испратено до „Неговото блаженство, северно-македонскиот архиепископ Стефан“.
„В тези тежки за Вас и за цялата Православна църква на Северна Македония часове изказваме нашите искрени съболезнования за временната раздяла с упокоения наш събрат!“, ќе напише Даниил.