- Оперирани од рак, како и пациенти со ретки болести со месеци алармираат дека се оставени без потребните терапии за нивните лекувања, а тоа се лекови што продолжуваат и спасуваат живот.
- Повеќе од два месеца го нема лекот „херцептин“ кој го примаат пациентки што се оперирани од рак на дојка и ја поминале хемотерапијата. Приватно чини над 2.000 евра за месечна доза.
- Биба Додева од Здружението Борка вели дека се собрале 27 здруженија и заеднички испратиле писма до премиерот, Генералниот секретар на Владата, до Министерството за здравство и до Фондот за здравствени осигурување. Но, досега не добиле никаков одговор.
- Откако во воздух им го дигнаа Северен тек (а војната во Иран дополнително ја скина катарската алтернатива за течен природен гас), ЕУ остана обврзана со минатогодишниот договор со САД од нив да го набабува овој енергенс.
- Договорот е огромен - 750 милијарди долари до 2028 година; Фон Дер го опишуваше како неопходен а Трамп како галантен бидејќи понудил повластена цена.
- По процедура, договорот дојде пред европските законодавци.
- Непосредно пред гласањето, американскиот амбасадор во ЕУ ја уцени Европа дека ако проба да смени запирка во договорот, ќе ја изгуби понудената цена.
- Европскиот парламент го изгласа договорот.
- Години наназад, според упатствата на Американската асоцијација за срце, на возрасни лица над 65 години со притисок повисок од 130 со 80, задолжително им била давана соодветна терапија.
- Веќе не. Според новите упатства, терапијата не се препишува по автоматизам туку треба да се земат во обзир и други фактори за кардиоваскуларен ризик.
- Промената се објаснува со потребата од поперсонализиран пристап кон болеста, наместо третирање со едно генерално правило.
- Со анализа на постоечките пациенти се утврдило дека на околу десет проценти од нив, според новите критериуми, не им требаат апчиња за намалување на притисокот.
