- Ахмад Ализадех (26) од Иран бил два пати обесен од локалните власти. Откако во 2018 година бил апсен и осуден на смрт за убиство, што тој го негирал, првото погубување било прекинато кога семејството на жртвата побарало стопирање на егзекуцијата.
- Неговото безживотно тело било извадено од бесилка по 28 секунди и успешно бил реанимиран. Според шеријатскиот закон, семејството на жртвата може да побара да плати за да му се поштеди животот.
- На крај не се договориле за висината и рокот на исплата па Ахмад бил и вторпат - овојпат неповратно - обесен.
- Лабуристичката партија на премиерот Ентони Албанезе победи на парламентарните избори во Австралија.
- Резултатите покажуваат дека лабуристите уште повеќе ќе го зголемат мнозинството во Парламентот, иако на првичните анкети пред изборите заостануваа многу зад конзервативната Либерална партија.
- Опозицискиот лидер Питер Дутон го призна поразот. Тој лично го изгуби дуелот за пратеничко место.
- Анализите на анкетите покажуваат дека клучен фактор за Австралијците биле споредбите на Дутон со американскиот претседател Доналд Трамп.
- „Ако фрлите доволно многу кал, таа ќе се залепи“ оцени Јасинта Прајс, сенаторка од либералите.
- Триесет и осумгодишна жена загина пред банка во Солун од експлозија на бомба што ѝ била во раце. Инцидентот се случил во 5 часот, кога немало минувачи
- Жената имала полициско досие и била поврзана со „позната антивладина фигура“, која сега е во затвор поради грабежи на банки и бомбашки напади во Атина и во Солун.
- „Се чини дека таа ја носела бомбата за да ја постави пред машина за готовина пред банката. Нешто тргнало на лошо и бомбата ѝ експлодирала во раце“, изјави полициски офицер.
- Жената била тешко ранета и починала во болница.
