Вести › Набрзинка

Има пари за оружје, не и за плати

7 април 2022

СОНК и владата не се договориле па сè поизвесно е дека од понеделник, школите и градинките ќе штрајкуваат.
Лекарите во знак на револт му ги вратиле благодарниците на министерот Беким Сали бидејќи Фондот 4 години им ги игнорира барањата за зголемување на капитациониот бод.
Премиерот вели дека треба да се качат платите, ама ако тоа се направи наеднаш, ќе дојде до инфлација.
На последната седница на владата биле предвидени набавки на лесни оклопни возила на тркала (проект во континуитет), специјални возила за посебни намени, артилериски системи 105 мм и муниција 105 мм, ПВО систем на многу мали височини, ремонт на транспортни хеликоптери, опрема за извидување и разузнавање, комплет за контрола на здружен оган Joint Terminal Attack Controler (JTAC) и лесни оклопни борбени возила за специјални сили.

извор

Зошто професорката Христина Манческа поднесе отказ?

22 август 2026

Професорката Христина Манческа писмено го известила директорот на гимназијата „Мирче Ацев“ од Прилеп дека поднесува отказ „поради тоа што има екстремно некоректно оценување на некои коишто воопшто ништо не учат (буквално уста не отвораат) а се бара преодна оценка“.
Двајца ученици кои поправниот по хемија не го положиле во јуни, требало да полагаат во август. Во меѓувреме Манческа им закажувала дополнителна настава.
„Од сите закажани термини се појавија само еднаш и сами не знаеја за што се дојдени и се брзаа да си одат бидејќи ќе немало превоз. На испитот и покрај желбата да положат учениците не знаеја ништо ни реченица да кажат а не па да напишат равенка или формула“.
Друга професорка од комисијата им пишала двојки, очекувале Манческа да го потпише тоа. Притискал и директорот со „аргументот“: „на колку ученици без да знаат му сме пишале двојки“.
И дека заради кецовите немаат ученици.
„Си го напишав отказот затоа што сметам дека образованието е паднато на дното. И дека не е проблемот во учениците туку во професорите и претпоставените лица што наредуваат да мора да се пишат оценки а најповеќе ургенциите од родителите“, ја цитира во својата колумна пензионираниот Виш државен просветен инспектор, Ѓорѓи Илиевски.

извор

Секој втор прекршок преку „Сејф Сити“ го направиле странци

22 август 2026

Од почетокот на системот „Безбеден град“ евидентирани се 310.865 прекршоци од кои 301.835 за брзо возење и 180.378 за возила со странски регистарски ознаки, соопшти Министерството за внатрешни работи.
За само три дена (од 18-ти до 20-ти август 2006) странски возачи направиле 5.514 сообраќајни прекршоци.
За нив е активирана апликација (safecountry.mvr.gov.mk), преку која ќе можат едноставно и директно да добијат информации за нивните сообраќајни прекршоци евидентирани од системот, да имаат увид во издадените налози за плаќање казни и да ги платат електронски.

извор