Вести › Набрзинка

И Хрватска е земја на лажни петкаши

26 јуни 2022

Во 80-тина средни школи во Хрватска, меѓу учениците кои завршуваат осмо бил спроведен национален испит и резултатите биле катастрофални: големо мнозинство добиле едвај двојки.
На скала од 1 до 5, резултатите би требало да се распоредат како на Гаусова крива, најмногу на средината, околу тројката. Па сепак, убедливо најмногу има одлични.
Со такво оценување ние се лажеме самите себе а учениците и родителите ги доведуваме во заблуда што се покажува вечќе во првата година од средното училиште.
Во атмосфера во која е срамота да се има било што помало од петка, децата стануваат нервозни, искомплексирани, криво проценети и вонпросечно оценети. Тоа не води кон ништо добро, пишува хрватска наставничка за Лупига.

* Види и од Кантарот: За помалку петкаши

извор

Почина легендарниот карикатурист Коракс

17 мај 2026

Во 93-тата година од животот почина феноменалниот автор на политички карикатури Предраг Кораксиќ Коракс, еден од најострите и најдоследни коментатори на општествените и политички прилики во Србија и пошироко.
Карикатури почнува да објавува веќе на 17 години, во 1950 година, во сатиричниот магазин Јеж. Повеќе од три децении работел во Вечерње новости од каде бил тргнат поради политички причини, по што почнува да објавува во медиуми кои некогаш важеа за независни: Време, Данас, Борба, Пешќаник, Радио Слободна Европа.
„Беше честит, бескомпромисен човек, исклучително чесен, а а вистинска политичка карикатура нема без чесност,“ кажа за Коракс неговиот колега Душан Петричиќ.

извор

Луѓето во Судан испозагинаа од дронови

16 мај 2026

Првиот човек за човекови права на Обединетите нации, Волкер Турк, изјави дека вооружените беспилотни летала стојат зад 80% од смртните случаи поврзани со конфликтот во Судан и тоа е водечка причина за цивилните жртви.
Беспилотни летала се обезбедуваат од секаде: Кина, Русија, Турција, Обединетите Арапски Емирати, преку мрежи што ги вклучуваат Етиопија, Чад и Либија.
Лани бројот на загинати од дронови бил покачен за 600% а годинава, помеѓу јануари и април на тој начин биле убиени најмалку 880 цивили, бидејќи нападите сè повеќе се насочени кон цивилна инфраструктура, вклучувајќи болници и училишта.
Инаку, војната главно се води меѓу војските на два генерали, Абдел Фатах Бурхан, кој ја преводи официјалната армија и генерал Мохамед Хамдаан Дагало, кој е на чело на главната паравоена формација во Судан.
Вооружените конфликти меѓу нив започнаа во 2023 година иако две години пред тоа, двајцата генерали заедно извршија пуч против цивилната влада на Судан.

извор