Вести › Набрзинка

И Хрватска е земја на лажни петкаши

26 јуни 2022

Во 80-тина средни школи во Хрватска, меѓу учениците кои завршуваат осмо бил спроведен национален испит и резултатите биле катастрофални: големо мнозинство добиле едвај двојки.
На скала од 1 до 5, резултатите би требало да се распоредат како на Гаусова крива, најмногу на средината, околу тројката. Па сепак, убедливо најмногу има одлични.
Со такво оценување ние се лажеме самите себе а учениците и родителите ги доведуваме во заблуда што се покажува вечќе во првата година од средното училиште.
Во атмосфера во која е срамота да се има било што помало од петка, децата стануваат нервозни, искомплексирани, криво проценети и вонпросечно оценети. Тоа не води кон ништо добро, пишува хрватска наставничка за Лупига.

* Види и од Кантарот: За помалку петкаши

извор

Ле Пен може да се кандидира за претседателка на Франција

7 јули 2026

Француски апелациски суд ја потврди вината на Марин Ле Пен за злоупотреба на средства од ЕУ, но ѝ ја скрати забраната за извршување јавна функција од 5 години и ѝ остави можност да се кандидира на претседателските избори идната година.
Судот ѝ изрече 30 месеци условен затвор, кој веќе го отслужи, и 15 месеци носење електронска алка за следење, што може да ѝ направи сериозни логистички проблеми за време на предизборната кампања.
Судија дополнително ќе ги одреди часовите кога таа може да биде отсутна од својот дом и да ѝ го ограничи движењето. Ле Пен би можела да побара алката да ѝ биде отстранета по неколку месеци поради добро однесување.
Соочена со вакви ограничувања, на лидерката на француската десница ѝ останува самата да одлучи дали ќе се кандидира. Ако реши да се повлече, кандидат на десницата ќе биде нејзиниот заменик и политички наследник Жордан Бардела. И двајцата, според досегашните анкети, би освоиле најмногу гласови во првиот круг од изборите в година.
Казната за Ле Пен произлегува од обвиненијата дека функционери од нејзината партија Национален собир злоупотребиле средства од Европскиот парламент наменети за асистенти. Таа ги отфрла обвинувањата и тврди дека е жртва на политички прогон за да биде елиминирана од трката за претседател.

извор

Литванија ја укинува забраната за нуклеарно оружје

7 јули 2026

Литванија, поранешна советска република и сегашна членка на НАТО, ќе ја укине забраната за поставување нуклеарно оружје на нејзина територија за да се интегрира во западниот одбранбен систем за одвраќање на Русија.
„Геополитичката ситуација се влошува. Нашиот Устав беше напишан во време кога геополитичките околности беа сосема поинакви“, изјави претседателот Гитанас Науседа.
Набрзо потоа група од 50 литвански пратеници поднесоа предлог-амандман на Уставот за да ја овозможат промената на стратегиската определба. За да се усвои, неопходно е да добие поддршка од двотретинско мнозинство пратеници на две гласања во период од три месеци.
Парламентот на Финска во јуни изгласа целосна забрана на нуклеарно оружје за да се усогласи со политиката на одвраќање на НАТО, по приклучувањето кон Алијансата во 2023 година. Законот овозможува внесување, транспорт, чување или поседување нуклеарно оружје, доколку тоа го налага нејзината воена одбрана.

извор