- Ексминистерот за финансии и политички аналитичар, Џевдет Хајредини вели дека благодарение на пратениците кои го изгласаа Кривичниот законик, криминалците ем се спасија од затвор, ем парите им останаа.
- Хајредини ова го смета за еден од „највалканите пазари“.
- За повеќе од 80 лица обвинети во 14 судски предмети иницирани од времето на СЈО настапи апсолутна застареност за кривичен прогон. Донесувањето на законските измени во Собранието се донесоа експресно за два дена, со образложение дека се усогласува македонското со европското законодавство.
- Американските компании кои ќе сакаат да ангажираат високо-стручни лица од странство ќе мора да платат 100.000 за нивна виза од типот Х-1Б.
- Овој тип виза им овозможува на компаниите да спонзорираат странски работници со специјализирани вештини - како што се научници, инженери и компјутерски програмери - првично три години, со можност за продолжување до шест години.
- Трамп е од оние критичари на визниот систем кои долго време тврдат дека H-1B ја потценува американската работна сила, додека поддржувачите - вклучувајќи го и милијардерот Илон Маск - тврдат дека тоа им овозможува на САД да привлечат врвни таленти од целиот свет.
- Истовремено, Трамп потпиша и указ за нова „златна картичка“ за забрзување на издавањето виза за траен престој во САД, по цени што почнуваат од 1 милион долари.
- Под притисок од американскиот претседател Доналд Трамп, Европската комисија воведе мерки и за кинески субјекти во својот 19-ти по ред пакет санкции насочени против Русија.
- „Ги таргетираме рафинериите, трговците со нафта, петрохемиските компании и трети земји, вклучувајќи ја и Кина“, објави претседателката на Комисијата, Урсула фон дер Лајен. „Додаваме повеќе хемикалии, метални компоненти, соли и руди во забраните за извоз и построги контроли на извозот врз субјекти од Русија, Кина и Индија“, додаде шефицата на дипломатијата Каја Калас.
- Пакетот вклучува ограничување на цената на нафтата од 47,60 долари за барел и забрзување на забраната за увоз на руски течен природен гас до крајот на 2026 година, наместо до крајот на 2027, како што беше договорено пред да интервенира Трамп.
- Функционери во Брисел признаваат дека санкциите против Москва би можеле да бидат ефикасни само ако се приклучат САД. Трамп најави дека ќе воведе „големи“ санкции само ако и другите членки на НАТО целосно се откажат од руска нафта. Турција, Унгарија и Словачка одбиваат да најдат алтернативни извори.
