- Лани Гугл ја купи хрватската апликација Photomath па дел од вработените префрлил во компанијата Гугл Хрватска ДОО.
- Податоците од Финансиската агенција покажуваат дека просечната нето плата во таа фирма изнесува над 12 илјади евра.
- Американскиот технолошки гигант уште од 2009 година има регистрирано подружница во Хрватска но до пред неколку година имале само неколку вработени и скромен приход.
- Photomath е глобално популарна апликација за решавање математички задачи снимени со камерата од мобилниот телефон.
- Србија и Босна и Херцеговина се меѓу 14-те избрани земји на кои претседателот Доналд Трамп од 1 август им воведува значително повисоки тарифи за увоз на производи. Србија е погодена со царина од 35%, а Босна и Херцеговина со 30%.
- Тарифите за другите земји се во рангот од 25% за увоз на стоки од Јапонија, Јужна Кореја, Малезија, Казахстан и Тунис, 30% за Јужна Африка, 32% за Индонезија, 35% за Бангладеш, 36% за Камбоџа и Тајланд и 40% за Лаос и Мјамнар.
- Во писмата што им ги испратил на претседателите Трамп ги известува дека „новите царини биле неопходни за да се корегираат трговските дефицити на САД“. Ги предупредува дека на секое нивно зголемување на царините САД реципрочно ќе одговорат, а при отстранување на царинските и регулаторните бариери „можеби“ ќе разгледаат намалување.
- Белата куќа објави дека до крајот на неделата ќе бидат испратени писма со идентична содржина, но со различен процент на тарифи и до други земји.
