Вести › Набрзинка

Грција на север и натаму граничи со една „соседна земја“

27 април 2023

Додека талог од македонски политичари како да се натпреваруваат кој повеќепати во една реченица ќе го изговори името „Република Северна Македонија“, грчките политичари вешто избегнуваат воопшто да го споменат промнетото име па земјава ја именуваат само како „соседната земја на север“ или, пак, „северниот сосед“.
И најголемиот пријател на Заев и Димитров, Алексис Ципрас, во последното интервју за Дојче веле то во ниту еден момент не ја нарече Македонија со нејзиното ново уставно име, туку ја ословуваше само како „северниот сосед“ или, пак, за неа говореше само со алузии. (види зошто Преспа го направи него среќен).
Македонските власти не само што спроведоа многу повеќе од предвиденото со Преспанската спогодба туку одат и уште понатаму, изложувајќи ги граѓаните на дополнителни трошоци за промена на патните исправи и регистарските таблички на кои ќе стојат новите ознаки на државата заклучно со мај 2024 година.
Од друга страна, грчките политичари не само што не го споменуваат името на нашата држава туку немаат имплементирано ниту една клаузула од тој фамозен договор од Нивици, во кој повторно Македонија дури и во преамбулата е именувана само како „Втората страна“?!
„Тие таму не сменија ниту една табла, а кај нас брусиме шахти, менуваме историја и слично, што никој не бара од нас“, констатира аналитичарот Синиша Пекевски за Нова Македонија.

* Види и: Доза Ципрас за оние кои голтаат со затворен нос

извор

Еднаквост: Во 27 земји 0,1% e повеќе од 80%

3 октомври 2026

Концентрацијата на богатството кај мала група луѓе во 27 земји од светот го надминала нивото во кое 0,1% од возрасната популација поседуваат повеќе од најсиромашните 80% од жителите.
Јазот е најдлабок во Русија, а најмалку е изразен во Словачка.
Македонија според оваа класификација е меѓу земјите со порамномерна распределба на богатството.
Јужна Африка нуди впечатлив пример за тоа колку можат да бидат трајни овие разлики. Студија што го опфаќа периодот од 1993 до 2017 година покажа дека немало трајно намалување на нееднаквоста во богатството по крајот на апартхејдот.

извор

„Лукоил“ ќе заврши кај партнери на Кушнер и Виткоф

3 октомври 2026

Разговорите на администрацијата на Трамп со Русија за крај на војната во Украина се проширија со нафтен договор вреден повеќе милијарди долари, од кој би профитирале деловни луѓе од Блискиот Исток поврзани со двајцата главни американски преговарачи, Стив Виткоф и Џаред Кушнер.
Договорот се однесува на голем број нафтени полиња, рафинерии и бензински пумпи ширум светот во сопственост на „Лукоил“, една од најголемите руски енергетски компании.
Откако администрацијата на Трамп лани воведе санкции против „Лукоил“, компанијата реши да го продаде својот имот во странство. Министерството за финансии на САД дисквалификува неколку потенцијални купувачи на „Лукоил“.
Сега е договорено имотот да биде продаден на група во која учествува инвеститорот Тод Боли, кој донирал 2 милиони долари за политичките цели на претседателот Трамп, на две групи од Блискиот Исток кои соработувале со Кушнер или Виткоф, како и еден огранок на американската влада.
На средбата со Виткоф и Кушнер во Кремљ на 5 септември, Путин предложил договорот да се реализира „како начин да им се покаже на Русите дека можат да соработуваат со САД“. Виткоф и Кушнер имале директна улога во преговарањето за финансиските услови, за да се обезбеди „значителна авансна исплата и удел за САД во добивката“, пишува Њујорк тајмс.

извор