Вести › Набрзинка

Грција форсира кадар од нивната Македонија за ЕУ комесар

1 август 2024

Грција сака да го види Апостолос Цицикостас како следен грчки комесар за што била известена претседателката на Европската комисија, Урсула фон дер Лајен.
„Изборот на Цицикостас е избор со политички конотации кој ја истакнува важноста на Македонија и северна Грција за Европа, како регион со стратешка локација, меѓусебна поврзаност и геополитичка важност“, рече владиниот портпарол Павлос Маринакис, владин портпарол.
Изборот на Цицикостас значи дека актуелниот грчки комесар Маргаритис Шинас заминува од Брисел.

извор

Макрон ги призна француските злосторства во Камерун

13 август 2025

Претседателот Емануел Макрон официјално ја призна улогата на Франција во „репресивни насилства“ во Камерун за да го задуши движењето за независност на поранешната колонија. Во писмо до камерунскиот претседател Пол Бија, Макрон го цитирал заклучокот од заедничката комисија што ја истражувала улогата на Франција против борбата за независност во Камерун во периодот од 1945 до 1971 година.
Историчарите заклучиле дека Франција спроведувала масовни прогони, префрлала илјадници Камерунци во логори и ги поддржувала бруталните милиции што војувале против борците за независност, дури и по 1 јануари 1960 година, кога Камерун прогласи независност. Во периодот од 1956 до 1961 година француските сили биле одговорни за десетици илјади жртви и стотици илјади раселени лица.
„Историчарите јасно кажаа дека имало војна во Камерун во која колонијалните власти и француската армија спроведувале репресивни насилства од различен вид. Тоа продолжило и по 1960 година. Должност ми е денес да ја прифатам улогата и одговорноста на Франција во овие настани“, му порачал Макрон на претседателот Бија.
Макрон бил запознаен со извештајот на комисијата од јануари, но официјално го прифатил дури сега. Французите не ја сметаа војната во Камерун за „своја“, бидејќи ја водеа колонијални милиции, а француската војска беше концентрирана во војната во Алжир од 1954 до 1962 година.

извор